1 Samuwele 3:12 - Bhiblia Yo Sawuleka

¹² Ka ditshiku donedo, ni na wusa ka Eli totshe tile ni nga ti womba, to wukela nyumba yakwe; na khata an'ze ni heta.

1 Samuwele 3:12 Referans Kwoze

Luka 21:33

Nzuma ni mafu si na pinda, aniko mapswi angu kha ma na mbi pinda.”

Zakariya 1:6

Hambi keto, mapswi angu ni sileleto sangu, asi ni nga rumela ngu vaprofeti, sithumi sangu, kha sa va hokela vatate vanu kani? Se vona va to tshumela va txi kha vona: Mkoma wa Mabutho a Tiyimbi a mahile ti a nga ti lava kwathu, madingano ni tinzila tathu, ni mithumo yathu, se ngutu ene a nga hi mahisa tona.

Joxuwa 23:15

Se kufana ni kuwa ma nga maheka otshe mapswi ale amanene a nga ma womba kwanu ene Mkoma, Txizimu txanu, nga toneto kambe Mkoma a na mi wuyisela sotshe sile so biha, kala kuza a txi mi fuvisa ka ditiko diya da dinene, adi Mkoma, Txizimu txanu, a nga mi ninga.

Mitengo 23:19

Txizimu kha txi na makuhu nga m'thu. Lambi, txona hi nga mwanana wa m'thu wo txitxa-txitxa. Txizimu hi nga txo womba dwe txi si mahi, ina kha txi mahi ti txi nga womba kani? Kasi hi nga txo womba ti txi tatiseka kani?

Ezekhiyele 21:5

Se yotshe nyama yi a tiziva taku, ani Mkoma, ni swomote ditxhari dangu ngu msavani; kha di na mbi ngadi di tshumelela msavani ka dona.

Valamuli 4:24

Vanana va ka Israyeli va to simama va txi lwa ni Jabhini, mfumeli wa Kanana ditshiku ni ditshiku veza ve mfuvisa.

1 Samuwele 4:11

Se dibhokiso da Txizimu di to tekwa; kudawa vanana vambidi va Eli, i ku Hofini ni Fineyasi.

1 Samuwele 4:17

Sekoko awule a nga ti tisa mahungu a to xamula, a txi khene: Va ka Israyeli va tutumile masoni ka Vafilista, kambe ku manekile mhaka yo nemela ngutu hagari ka vathu; hahanze keto, hambi vanana vako vavambidi, i ku Hofini ni Finiyasi va fite, ni dibhokiso da Txizimu di tekilwe.

1 Samuwele 4:21

Aniko a to raya mfana ditina daku i Ikabho, a txi khene: “Wudhumo u khukhile ka Israyeli, ngu kule dibhokiso da Txizimu di nga ti tekilwe, ni ngu mhaka ya kufa ka masale wakwe ni ka mwamna wakwe.”

1 Samuwele 4:22

Se a to khene kambe: Wudhumo wa Israyeli wu ñotwe, nguko dibhokiso da Txizimu di tekilwe.