1 Samuwele 27:1 - Bhiblia Yo Sawuleka

¹ Kambe Dhavhidha a to khene mbiluni kwakwe: Dimwani ditshiku ni na dawa ngu Sawule; kha ku nata tshuko kwangu kupinda ku ni huluka ni kuluveta ni tsula ditikoni ka Vafilista; kasiku Sawule a txi leka ku ni xota ka yotshe mihingano ya Israyeli; ngu kumaha keto ni na huluka ka dianza dakwe.

1 Samuwele 27:1 Referans Kwoze

Isaya 51:12

Ani, ani ngani awule ni mi thavelelako; wo va mani awe koko, wa ku naza u thava m'thu wu afako, mwendo mwanana wa m'thu, wu a no hinduka e maha mwasi kani?

1 Samuwele 23:17

a txi khene kwakwe: U nga thave, nguko dianza da tate wangu Sawule kha di na mbi kumana; aniko awe u na fuma txitimwi ka va ka Israyeli, se ani ni na va wa wumbidi kwako; ngu ti nene tate wangu Sawule a ti zivako.

Mavingu 13:12

Kuverela ko swela ka karalisa mbilu, aniko kuhoka ka tile ti navelwako, mndonga wa wutomi.

Masalmo 116:11

Kukaratekani kwangu, ni zile ni txi khani: “Ku walo m'thu wo thembeka!”

1 Samuwele 29:2

Se vathangeli va Vafilista va to tsula koneyo, ni mazana ni magumi a mazana; kambe Dhavhidha ni vathu vakwe va to tsula ni Akisi ngu msana.

1 Samuwele 25:30

Se mbimo yi Mkoma a no mahela nyamne wangu madingano ni wotshe wunene wule a nga wu womba ngu ngawe, ni ngako a txi kuveka ku va mthangeli txitimwi ka Israyeli,

1 Samuwele 22:5

Kambe mprofeti Gadhi a to khene ka Dhavhidha: U nga zumbe mkhokholani; khukha u ya ditikoni da ka Judha. Sekoko Dhavhidha a to khukha eya wulela txitingani ka Herete.

1 Samuwele 16:13

Sekoko Samuwele a to teka litxheho la mafura, e mu tota hagari ka vanawe; se kukhukhela ka donedo ditshiku ni kuya masoni, Moya wa Mkoma wu to wulela ka Dhavhidha. Sekoko Samuwele a to khukha e tshumela e tsula Rama.

1 Samuwele 16:1

Sekoko Mkoma a to khene ka Samuwele: U na dilela Sawule kala yihi mbimo, akule ani ni nga mlamba, kasi ku asi fumi txitimwi ka Israyeli kani? Tata litxheho lako ngu mafura se wuta; ni ta kuruma ka Jese, wa Bhetlehema; nguko ni ti sawulete mfumeli hagari ka vanana vakwe.

Eksodha 14:12

Ina hi nga toneto hi nga ti kugela to: Hi leke hi txi maha tikhumbi ta Vaegipta kani? Nguko i ti si nga txhukwana kuva hi di zumbile hi txi thumela Vaegipta kani? Kupinda ku ta fela txiwulani muwa kani?”

2 Vakorinto 7:5

Nguko, txima hi bwaka Makedhoniya, mmidi wathu kha wu zivi kuhumula ni ka kudotho. Hi mani sixaniso ka otshe makhalo; hahanze, hi mani mazunga, mndani hi mani kudhukiselwa.

Marku 4:40

Se a txi khene kwawe: “Mi thavisa tiya ngu txani kani? Kha mi nzi kuva ni kukholwa kani?”

Matewu 14:31

Jesu kunukunuko a to nawuluta diwoko dakwe, e mñola, na a txi mu gela tiya: “M'thu wa kukholwa ka kudotho, nji txani u txi kana-kana?”

Mitengo 14:3

Ni kambe ngu kutxani ene Mkoma a txi hi yisa ka ditikodo, hi na ya guma ngu kudawelwa ngu matxhari hi ya ningela vasikati vathu ni vanana vathu, ve mahwa tikhumbi kani? I si nga tshuko hi tshumela hi txi ya Egipta kani?”

1 Samuwele 26:19

Konkuwa koko, na ku kombela awe mfumeli nyamne wangu, ti to u engisa mapswi a txithumi txako: Ngako Mkoma a txi kukurumeta ku ni wukela, a na amukele mningelo wa sakudya; kambe ngako i di vanana va vathu va na ruketelwe masoni ka Mkoma; nguko nyamsi vona va ni tutumisile, kasi ku ni si mani txyavelo txa thomba ya Mkoma, va txi kha vona: Tsula, u ya thumela simwani sizimu.

1 Samuwele 29:3

Sekoko vathangeli va Vafilista va to kha vona: Va maha txani Vahebheru vava hawa kani? Se Akisi a to khene ka vathangeli va Vafilista: I na hi nga Dhavhidha wuwa, txithumi txa Sawule, mfumeli wa Israyeli, wule a nga zumba ni nani masiku okari mwendo malembe kani? Kha na mana txionho ni txa tximwetxo kwakwe, kukhukhela ka ditshiku dile a nga ta ngu dona kala ka ditshiku da nyamsi.

1 Samuwele 20:3

Sekoko Dhavhidha a to xambanya kambe, a txi khene: Tate wako wa tiziva kha kwati to ni mani dikato masoni kwako; ngu kumaha keto, a to khene: A nga yi zive Jonatani mhaka yi ya nguko yi nga mpanda; se kha ditshuri, ni xambanya ngu Mkoma wu a hanyako, ni muhefemulo wako wu hanyako, ku to sala dizambo dimwedo dwe ku ni hoka kufani.

1 Vafumeli 12:26

Se Jerobhowamu a to womba mbiluni kwakwe ku khene: Konkuwa, wukoma wu na tshumelela nyumbani ka Dhavhidha.

1 Vafumeli 12:28

Ngu konaho, mfumeli a to wumba marole mambidi a nzalama, e va gela ku khene: Mthumo wanu wawungi i nave wo kwelela Jerusalema; wa siwona sizimu sako awe Israyeli, si nga kuhumisa Egipta.

1 Vafumeli 19:3

Mbimo yile a nga muwona a to khukha e tutuma, kasi kuhulukisa wutomi wakwe, eta Bherisebha ka Judha, e ta siya kona mfana wakwe.

2 Makronika 25:17

Se ngako Amaziya, mfumeli wa ka Judha, a di mani wudhota, a to rumela kuya womba ka Jowasi, mwana Jehowakazi, mwana Jehu, mfumeli wa ka Israyeli, a txi khene: Ngono hi ta wonana khohe ni khohe.

Masalmo 55:7

Ni ndi na thava ni txi ya kule ngutu, ni txi ya hanyela txiwulani.