1 Samuwele 26:9 - Bhiblia Yo Sawuleka

⁹ Se Dhavhidha a to khene ka Abhixayi: U nga mmahe txilo; nguko i mani a nga guletako diwoko dakwe ka msawuleki wa Mkoma asi mani mnandu kani?

1 Samuwele 26:9 Referans Kwoze

2 Samuwele 1:14

Se Dhavhidha a to khene kwakwe: Ngu kutxani awe u nga mbi thava kunawuluta diwoko dako u daya wo totwa wa Mkoma kani?

Masalmo 105:15

“Mi nga gweseni ava ni nga va sawula, mi nga xupheni vaprofeti vangu.”

2 Samuwele 1:16

Se Dhavhidha a to khene ka muamaleki: Mnoha wako u nave txitimwi ka msungo wako, nguko txisofu txako txi pune txi ku mangalete, txi txi kha txona: Ani ni date wule wo totwa wa Mkoma.

1 Samuwele 10:1

Sekoko Samuwele a to teka txingotwana txa mafura, e ma thela ha msungo ka Sawule, se e mnyuta, a txi khene: Ina Mkoma kha kutota mafura, kuva mthangeli txitimwi ka thomba yakwe kani?

1 Samuwele 26:8

Sekoko Abhixayi a to khene ka Dhavhidha: Nyamsi Txizimu txi ku ningile mlala wako manzani kwako; konkuwa koko ni leke ni tekela ku mthola ngu mseve, ni mpata ni mafu, kha ni na mbi mthola kumbidi.

Masalmo 7:4

ngako ni di tshumetete mndoni wangu wunene ngu wubihi, ngako ni di xanisile mlala wangu ti si nga ni fanelo,

1 Samuwele 12:3

Ngani wuwa hawa, ni fakazeleni masoni ka Mkoma ni masoni ka wule a nga totwa wa Mkoma: I mani ni nga mtekela homu kani? I mani ni nga mtekela mbongola kani? I mani ni nga mdyelela kani? I mani ni nga mxanisa mwendo kuamukela siningo ngu kwakwe so ni vhala maso angu kani? Se ni na mtshumetela.

2 Samuwele 19:22

Kambe Dhavhidha a to khene: I txani ni ku natxo ani ni nanu vanana va Zeruiya, kuza nyamsi mi ni wukela kani? Ina ku nafa m'thu nyamsi Israyeli kani? Ngu kutxani mi si tiziviko taku nyamsi ni vekilwe kuva mfumeli txitimwi ka Israyeli kani?

Masalmo 17:4

Kha na maha kubiha nga ti vathu va mahako; ani ni ti vhikete ka tinzila ta vathu va tshofu, ngu kuxonipha sileleto sako.

Masalmo 57:1

Telwa ngu wumbilu ni nani, awe Txizimu, telwa ngu wumbilu, nguko moya wangu wu themba awe. Ni lava kusisala hahatshi ka mabhapi ako, kala phango yi txi pinda.