1 Samuwele 26:12 - Bhiblia Yo Sawuleka

¹² Dhavhidha koko, a to teka mseve ni ngoto ya mati misungoni ka Sawule, ve tsula; kha kwa maneka ni mmweyo wo ti wona, hambi wo tipfa, mwendo kuwuka; nguko votshe va ti mani wukohe, nguko Mkoma a ti va otelisile ngu wukohe wa hombe.

1 Samuwele 26:12 Referans Kwoze

Genesisi 2:21

Sekoko, Mkoma Txizimu a to otelisa wamwamna wukohe wo tshima; se mbimo yi a nga ti otete, a to thavisa kwakwe limbavhu limwelo, ahawa ha wukhaloni ka kona a nga vhaleta ngu nyama.

Genesisi 15:12

Mbimo yi ditambo di nga txi ya kuswani, Abramu a to ñolwa ngu wukohe, e maneka a di fenengetilwe ngu mtema wo thisa.

Isaya 29:10

Nguko Mkoma a mi thete moya wa wukohe wa hombe, kambe a tsivile maso anu, i ku vaprofeti, a fenengetile vathangeli vanu, i ku vahuti.

Esteri 6:1

Ka wona wusiku wule wawumwewo, mfumeli a to gumelwa ngu wukohe; sekoko, e rumisa kuve mnehela dibhuku da matimu, di ta gondwa masoni ka mfumeli.

1 Samuwele 26:7

Dhavhidha koko ni Abhixayi va to tsula ka vathu ni wusiku, se va to wona Sawule a di otete, a di otete hagari ka wukhalo wa sikotxikani, na mseve wakwe a di wu zimile hahatshi ngu misungoni kwakwe; kambe Abhineri ni vathu va ti otete ngu madhawani kwakwe.

1 Samuwele 24:4

Sekoko vathu va Dhavhidha va to m'gela ku kha vona: Adiya ngu dona ditshiku di Mkoma a ngadi womba, a txi khene: Wona taku ni na ningeta mlala wako manzani kwako, u na maha kwakwe kuranda kwako. Se Dhavhidha a to khukha ngu kunyanimela eya wila tshoka ya txyambalo txa Sawule.

1 Samuwele 26:13

Se Dhavhidha a to pinda eya ka dimwani didhawa, eya ema tshokani ka mmango ngu kule, aha ka ku ngu hagari kwawe kumaneka mpfhuka wo lapha.