1 Samuwele 26:11 - Bhiblia Yo Sawuleka

¹¹ Mkoma a na ni xayise ku ni si guleti diwoko dangu ni daya wule a nga totwa wa Mkoma, kambe konkuwa, teka mseve wu wu ku misungoni kwakwe ni ngoto ya mati hi tsula.

1 Samuwele 26:11 Referans Kwoze

1 Samuwele 24:6

se a to khene ka vathu vakwe: Mkoma a na ni xayise ku ni si maheli nyamne wangu mhaka yiya, ka wule a nga totwa wa Mkoma, ngu kuguleta dianza dangu ni mwukela, nguko mbwo totwa wa Mkoma.

1 Samuwele 24:12

Mkoma a na lamule hagari kwangu ni nawe, ni ku ni photela kwako; kambe dianza dangu kha di na mbi kuwukela.

2 Samuwele 1:16

Se Dhavhidha a to khene ka muamaleki: Mnoha wako u nave txitimwi ka msungo wako, nguko txisofu txako txi pune txi ku mangalete, txi txi kha txona: Ani ni date wule wo totwa wa Mkoma.

2 Samuwele 1:14

Se Dhavhidha a to khene kwakwe: Ngu kutxani awe u nga mbi thava kunawuluta diwoko dako u daya wo totwa wa Mkoma kani?

Varoma 12:17

Mi nga tshumeteleni kubiha ngu kubiha, kambe zamani kumaha ti i ku ta tinene masoni ka votshe vathu.

Varoma 12:19

Vo randeka ngutu, mi nga photeni mipune, kambe lekani Txizimu txi ti henyela, nguko ti bhatwe ti taku: “Kuphota kulumba ani, ngani ni no tshumetela, kuwomba Mkoma.”

1 Pedro 3:9

Mi nga tshumeteleni wubihi ngu wubihi, hambi txiruko ngu txiruko, aniko, kukatekisa nguko ngu toneto mi nga dhanelwa tona, kasi ku mi txi maha vadyi va thomba ya kateko.

1 Samuwele 24:4

Sekoko vathu va Dhavhidha va to m'gela ku kha vona: Adiya ngu dona ditshiku di Mkoma a ngadi womba, a txi khene: Wona taku ni na ningeta mlala wako manzani kwako, u na maha kwakwe kuranda kwako. Se Dhavhidha a to khukha ngu kunyanimela eya wila tshoka ya txyambalo txa Sawule.

1 Samuwele 12:3

Ngani wuwa hawa, ni fakazeleni masoni ka Mkoma ni masoni ka wule a nga totwa wa Mkoma: I mani ni nga mtekela homu kani? I mani ni nga mtekela mbongola kani? I mani ni nga mdyelela kani? I mani ni nga mxanisa mwendo kuamukela siningo ngu kwakwe so ni vhala maso angu kani? Se ni na mtshumetela.

2 Samuwele 19:22

Kambe Dhavhidha a to khene: I txani ni ku natxo ani ni nanu vanana va Zeruiya, kuza nyamsi mi ni wukela kani? Ina ku nafa m'thu nyamsi Israyeli kani? Ngu kutxani mi si tiziviko taku nyamsi ni vekilwe kuva mfumeli txitimwi ka Israyeli kani?

Masalmo 17:4

Kha na maha kubiha nga ti vathu va mahako; ani ni ti vhikete ka tinzila ta vathu va tshofu, ngu kuxonipha sileleto sako.