1 Samuwele 26:10 - Bhiblia Yo Sawuleka

¹⁰ Dhavhidha a to engeta a txi khene: Ni xambanya ngu Mkoma wu a hanyako, taku Mkoma a na m'daya, mwendo ti to ditshiku da kufa kwakwe di na hoka, ni ku mwendo a na relela ku yalwa a txi ya lova.

1 Samuwele 26:10 Referans Kwoze

Dhewuteronome 31:14

Se Mkoma a to khene ka Mosi: “Masiku ako a kufa ma hafuhi; dhana Joxuwa, u txi ta nayo amu ditendani da msengeletano, kasi ku ani ni mi ninga sileleto sangu.” Sekoko Mosi ni Joxuwa, va to tsula ditendani ka msengeletano.

Genesisi 47:29

Mbimo yi Israyeli a nga ti hafuhi ni kufa, a to dhana Josefa mwanakwe, e m'gela tiya: Ngako u txi ni dhunda ngu ditshuri, veka dianza dako hahatshi ka dithumbi dangu, u txi ni thembisa ngu lirando ni wunene ti to u si ni tshotshi ditikoni muwa ka Egipta!

Varoma 12:19

Vo randeka ngutu, mi nga photeni mipune, kambe lekani Txizimu txi ti henyela, nguko ti bhatwe ti taku: “Kuphota kulumba ani, ngani ni no tshumetela, kuwomba Mkoma.”

Masalmo 37:13

Aniko Mkoma wa m'seka, nguko wa tiziva ti to masiku akwe ma komile.

1 Samuwele 31:6

Ngu kumaha keto, Sawule a to fa ni vanana vakwe va vararu, ni mrwali wa matxhari akwe, ni votshe vathu vakwe va to fa kumweko nayo ka dona ditshiku dile.

1 Samuwele 25:38

Se ku to maheka taku, ku di pindile hafuhi ka digumi da masiku, Mkoma a to peka Nabhali efa.

1 Samuwele 25:26

Konkuwa koko, nyamne wangu, ni xambanya ngu Mkoma a hanyako, ni muhefemulo wako, Mkoma a kuvhalete kutheketa mnoha ni ku ti photela ngu dianza dako; kambe konkuwa, valala vako ni vale va lavako wubihi wo wukela nyamne wangu, va na fane ni Nabhali,

Dhewuteronome 32:35

Kulumba ani kuphota ni kutshumetela, txa tshuketela txikhati txi mikondo yawe yi no rithimuka, ditshiku da kulova kwawe di hafuhi, ati ti nga longiselwa vona ta tshuketela hafuhi ngu txikuluveta.

Mtuletelo 18:8

“Ngu konaho, makhombo ma nata ngu ditshiku dimwedo; lifo, txidilo, ni nzala; se a na hiswa ngu mndilo, nguko Mkoma Txizimu txi nga mu lamula, txi na ni mtamo.”

Vahebheru 9:27

Se ngako vathu va nga sikelwa ti to ve fa kumweko dwe, ngu msana ku txi londeta kulamulwa;

Luka 18:7

Ina Txizimu txi nga tandeka kulamulela vasawuleki va txona, ni kutimisela ngu vona ava va dilako masoni ka txona, wusiku ni mitshikari, kani?

Ekleziyaste 3:2

Ku ni mbimo ya kuvelekwa, ni mbimo ya kufa; mbimo ya kuphaya, ni mbimo yo dulela sile si nga phawa;

Masalmo 94:23

A na maha ti to vabihi ve loviswa ngu sionho sawe, a na va fuvisa ngu konaho ka wubihi wawe. Mkoma, Txizimu txathu, a na va fuvisa!

Masalmo 37:10

Ngu mbimoanyana ya yidotho, khu na mbi va wona kambe vabihi; hambi u txi tsimbila u va lava, khu na mbiswa u va wona.

Jobe 14:14

Ina m'thu a txi fa, a nga tshumela e hanya kani? Otshe masiku a kulwa kwangu, ni na verela, kala kuza kumaneka kutxitxa kwangu.

Jobe 14:5

Ngu ti to masiku akwe ma batwe mtengo wa mitxima yakwe wu manzani kwako; se awe u m'vekete mihingano, kha na ku yi ndaka.

Jobe 7:1

Ina m'thu kha nga yimbini txitimwi ka mafu kani? Ni masiku akwe hi nga ku nga masiku a txithumi kani?

1 Samuwele 24:15

Kambe Mkoma a na va mlamuli, a na lamula hagari kwangu ni nawe, a na ni wona, e xolisisa mhaka yangu, se a na ni hulukisa manzani kwako.

Vahebheru 10:30

Nguko athu ha m'ziva awule a nga khene: “Kupharela kulumba ani, ani ngani ni no tshumetela.” A txi khene: “Mkoma a na lamula vathu vakwe.”

1 Samuwele 24:12

Mkoma a na lamule hagari kwangu ni nawe, ni ku ni photela kwako; kambe dianza dangu kha di na mbi kuwukela.

1 Samuwele 25:39

Se mbimo yile Dhavhidha a nga pfa ti to Nabhali a fite, a to khene: Ku na bongwe Mkoma a nga vhikela dianza da txithumi txakwe kumaha wubihi ka Nabhali, a tsivete txithumi txakwe ka wubihi, kambe Mkoma a mahile ti to wubihi wa Nabhali wu tshumelela txitimwi ka msungo wakwe. Se Dhavhidha a to ruma vathu ka Abhigayeli kuya mteka ti to e maha msikati wakwe.

1 Samuwele 31:4

Sekoko Sawule a to khene ka mrwali wa matxhari akwe: Thavisa ditxhari dako u ni thola ngu dona, kasiku vanyamakhutu vava va si ti ve ta ni daya ni ku ni tseketsela. Kambe mrwali wa matxhari akwe kha tumela, nguko a ti ti thava ngutu; sekoko Sawule a to teka ditxhari e ti thola ngu dona.