1 Samuwele 24:8 - Bhiblia Yo Sawuleka

⁸ Msana keto, Dhavhidha nene a to huma ngu diphalani, e kwangula ngu msana ka Sawule, a txi khene: Mfumeli, nyamne wangu! Se mbimo yile Sawule a nga tshembereka e wona msana, Dhavhidha a to nama hahatshi e khizama.

1 Samuwele 24:8 Referans Kwoze

Varoma 13:7

Va ningeni votshe asi si va fanelako: Awu a fanelako kuamukela mkhupo mningeni; awu a fanelako kuamukela nduwo, mluveni; awu a fanelako kuxoniphwa, mxonipheni; awu a fanelwako ngu txithavo, mthaveni.

1 Samuwele 26:17

Sekoko Sawule a to ziva dipswi da Dhavhidha, a nje khene: Ina hi nga dipswi dako mwanangu Dhavhidha kani? Se Dhavhidha a to khene: Dispwi dangu, awe mfumeli, nyamne wangu!

1 Samuwele 20:41

Se ngako mfana a di tsute, Dhavhidha a to khukha e wonetela didhawa da wulambwe, e ti wisa hahatshi ngu khohe yakwe, e khizama kuraru; kambe va to nyuntana, ve dila votshe, aha koza Dhavhidha e dila ngutu.

Eksodha 20:12

Thava tate wako ni mame wako kasiku masiku ako ma na engetelwa ka ditiko di u nga ningwa ngu Mkoma, Txizimu txako.

Genesisi 17:3

Sekoko Abramu a to wa hahatshi ngu mbanza; Txizimu txi to womba kwakwe txi txi kha txona:

1 Pedro 2:17

Vekani txithavo ka votshe vathu. Randani kuhanyelana. Thavani Txizimu. Thavani mfumeli.

1 Samuwele 24:7

Se ngu mapswi awa, Dhavhidha a to layetela vathu vakwe, asi va tumeleli kuve wukela Sawule; kambe Sawule a to huma ngu diphalani e simama ni nzila yakwe.

1 Samuwele 24:9

Se Dhavhidha a to khene ka Sawule: Ngu kutxani u engisa mapswi a vathu vale va ku kha vona: Wona taku Dhavhidha a lava ku ku mahela to biha kani?

1 Samuwele 28:14

Se e m'gela ku khene: Nza txiemo muni kani? Se wamsikati a to khene: Didhota di humako di di ambate txyambalo txo lapha ngutu. Se ngako Sawule a di pfisisile ti to i Samuwele a to namisa khohe hahatshi e khizama.

1 Vafumeli 1:31

Sekoko Bhate-Xebha a to nama a txi zimamisa khohe hahatshi, a txi ti sola masoni ka mfumeli, a txi khene: “A na hanye mfumeli Dhavhidha, nyamne wangu, yotshe mbimo!”