1 Samuwele 24:4 - Bhiblia Yo Sawuleka

⁴ Sekoko vathu va Dhavhidha va to m'gela ku kha vona: Adiya ngu dona ditshiku di Mkoma a ngadi womba, a txi khene: Wona taku ni na ningeta mlala wako manzani kwako, u na maha kwakwe kuranda kwako. Se Dhavhidha a to khukha ngu kunyanimela eya wila tshoka ya txyambalo txa Sawule.

1 Samuwele 24:4 Referans Kwoze

1 Samuwele 26:23

Kambe Mkoma a na tshumetela ka mmweyo ni mmweyo ngu kululama kwakwe ni kuthembeka kwakwe; nguko nyamsi koko Mkoma a ti ku ningete manzani kwangu, kambe kha lava kuguleta dianza dangu ni wukela wule a nga totwa wa Mkoma.

1 Samuwele 24:10

Nyamsi u ti woni upune ti to Mkoma a ku ningete manzani kwangu ka diphala diya, vamwani va ni kuzetete ti to ni kudaya; kambe ni ku divalete, nguko ni ti khani: Kha ni na mbi nawuluta diwoko dangu ni wukela nyamne wangu, nguko mbo totwa wa Mkoma.

1 Samuwele 24:18

Nyamsi awe wu ni kombile wumbilu wu wu ku nawo ni nani; nguko Mkoma a ti ni ningete manzani kwako, kambe awe khu ya ni daya.

1 Samuwele 23:17

a txi khene kwakwe: U nga thave, nguko dianza da tate wangu Sawule kha di na mbi kumana; aniko awe u na fuma txitimwi ka va ka Israyeli, se ani ni na va wa wumbidi kwako; ngu ti nene tate wangu Sawule a ti zivako.

1 Samuwele 23:7

Kambe Sawule a to ziviswa taku Dhavhidha a wulete Keyila. Se Sawule a to khene: Txizimu txi mningete manzani kwangu, nguko a ti vhalete, ngu kuya wulela ka didhoropa da matimba ni sikhweketo sa tisimbi.

Jobe 31:31

ni kungako vathu va ditendani kwangu va sa kha vona: A! I mani a nga mbi khura ngu nyama yakwe!

2 Samuwele 4:8

Se va to yisa msungo wa Isibhosete ka Dhavhidha, kona Hebroni, va txi kha vona ka mfumeli: Diwo msungo wa Isibhosete, mwana Sawule, mlala wako, wule a nga ti ti lava ku kudaya; Nyamsi Mkoma a photete mfumeli nyamne wathu, ka Sawule ni ka liveleko lakwe.

Eksodha 21:13

kambe ngako a ti m'date ngu phango, na Txizimu i di txona txi nga mningela manzani kwakwe, ani ni na kukomba wukhalo wu a fanelako kuthavela ka wona.

1 Samuwele 22:1

Sekoko Dhavhidha a to khukha hale eya barama diphalani ka Adhulamu; se mbimo yi vanawe ni votshe va nyumba ya tate wakwe va nga tipfa, va to relela veya kwakwe.

Masalmo 57:1

Telwa ngu wumbilu ni nani, awe Txizimu, telwa ngu wumbilu, nguko moya wangu wu themba awe. Ni lava kusisala hahatshi ka mabhapi ako, kala phango yi txi pinda.

Masalmo 142:1

Ni dite ka Mkoma ngu dipswi dangu ngu dipswi dangu ni khongete ka Mkoma.