1 Samuwele 23:3 - Bhiblia Yo Sawuleka

³ Kambe vathu va Dhavhidha, va to kha vona kwakwe: Wona taku, hambiku ditikoni ka Judha ha thava; ngutu-ngutu ngako hi txiya didhoropani da Keyila ku yalwa ni mabutho a Vafilista.

1 Samuwele 23:3 Referans Kwoze

Jeremiya 12:5

Ngako u txi palisana ni vathu ngu kututuma, ve kusiya, ina u nga palisanisa kutxani ni mahantxhi kani? U si nga ni kuzumbiseka ditikoni ko thutha, u nga mahisa kutxani txigotoni ka Jordhani kani?

Masalmo 11:1

Ani ni themba ka Mkoma. “Mi wombisa kutxani koko ka mdihika dangu mi txi khanu: Thavela mmangoni kwako kufana ni txinyana, kani?”

1 Samuwele 23:26

Sawule a to tsimbila ngu didhawa dimwedo da mmango, se Dhavhidha ni vathu vakwe ve tsimbila ngu dimwani didhawa da mmango; se ku to maheka taku Dhavhidha e kuluveta e huluka ka Sawule; kambe Sawule ni vathu vakwe va to randela Dhavhidha ni vathu vakwe, va txi lava ku va ñola.

1 Samuwele 23:23

Ngu kumaha keto, wonisisani kha kwati, mi zivisisa madingano ni otshe makhalo a baramako ka ona; sekoko mi na wuya kwangu ni dotshe ditshuri, aniko ani nata tsula ni nanu; se ku na maheka tito, a diho ka ditiko dile, ni na mlava amu hagari ka otshe magumi a mazana a va ka Judha.

1 Samuwele 23:15

A di ti woni koko, Dhavhidha taku Sawule a lavetela wutomi wakwe, Dhavhidha a to zumba amu ka txitinga, txiwulani ka Zifi.

1 Samuwele 23:2

Se Dhavhidha a to wotisa ka Mkoma, a txi khene: Ina ani ni tsula kuya xasela Vafilista vava kani? Se Mkoma a to khene ka Dhavhidha: Tsula u ya xasela Vafilista u lamulela didhoropa da Keyila.

1 Samuwele 23:4

Sekoko Dhavhidha a to wotisa kambe ka Mkoma, se Mkoma a to mxamula, a txi khene: Khukha, relela uya Keyila, nguko ni na ningela Vafilista manzani kwako.