1 Samuwele 22:4 - Bhiblia Yo Sawuleka

⁴ Se a to va tisa masoni ka mfumeli wa Vamowabhi, ve ta zumba nayo otshe masiku ale Dhavhidha a nga ti zumba mikhokholani.

1 Samuwele 22:4 Referans Kwoze

Masalmo 11:1

Ani ni themba ka Mkoma. “Mi wombisa kutxani koko ka mdihika dangu mi txi khanu: Thavela mmangoni kwako kufana ni txinyana, kani?”

Matewu 10:23

Ngako va txi mi xanisa ka didhoropa dokari, thavelani ka dimwanyane. Nguko kha ditshuri ni khani kwanu: Mi sinzi kuheta kutsimbilatsimbila ka otshe madhoropa a ka Israyeli, Mwanana wa M'thu a na va a di bwakile.”

Nehemiya 6:11

Aniko ni to khani: M'thu wo fana ni nani a nga tutuma kani? I mani a kuho wo fana ni nani, a wulelako dithepeleni e hanya kani? Ngu mamahelo eyo, kha ni na mbi wulela.

2 Makronika 29:25

A to veka Valevhi Nyumbani ka Mkoma, va di ni sitende, ni tingoma, ni timbila, madingano ni kuruma ka Dhavhidha ni ka Gadhi mhuti wa mfumeli, ni wa mprofeti Nathani i ku kuruma ku kutako ngu ka Mkoma, ngu dianza da vaprofeti vakwe.

1 Makronika 29:29

Mithumo koko ya mfumeli Dhavhidha, yo khata hambi yo gwita, yi bhatwe ka matimu a Samuwele, m'huti, ni ka matimu a mprofeti Nathani, ni ka matimu a Gadhi, m'huti,

1 Makronika 21:9

A to womba koko Mkoma ka Gadhi, m'huti wa Dhavhidha, a txi khene:

1 Makronika 12:16

Vanana vokari va ka Bhenjamini ni va ka Judha, ni vona va toya mkhokholani ka Dhavhidha.

2 Samuwele 24:11

A di wukile koko Dhavhidha ni mixo, dipswi da Mkoma di to ta ka mprofeti Gadhi, m'huti wa Dhavhidha di txi ta kha dona:

1 Samuwele 22:3

Se Dhavhidha a to khukha koneyo eya Misipa ka Vamowabhi, a txi ya khene ka mfumeli wa Vamowabhi: Ni kombela ti to tate wangu ni mame wangu ve zumba ni nanu, kala kuza ni zivi a ti Txizimu txi no maha ngu ngani.

1 Samuwele 22:5

Kambe mprofeti Gadhi a to khene ka Dhavhidha: U nga zumbe mkhokholani; khukha u ya ditikoni da ka Judha. Sekoko Dhavhidha a to khukha eya wulela txitingani ka Herete.

2 Samuwele 8:2

Kambe a to xasela Vamowabhi, e va otelisa hahatshi ni ku va pima ngu ngoti, a to va pima ngu tingoti timbidi kasi ku e va daya, avale va nga pimwa ngu ngoti yimweyo a to va leka ve hanya. Ngu kumaha keto, Vamowabhi va to maha tikhumbi ta Dhavhidha, ve mluva.

1 Makronika 11:16

Sekoko ka mbimo yoneyo Dhavhidha a ti ti mkhokholani, dizumbo da Vafilista di ti ti Bhetlehema.