1 Samuwele 22:3 - Bhiblia Yo Sawuleka

³ Se Dhavhidha a to khukha koneyo eya Misipa ka Vamowabhi, a txi ya khene ka mfumeli wa Vamowabhi: Ni kombela ti to tate wangu ni mame wangu ve zumba ni nanu, kala kuza ni zivi a ti Txizimu txi no maha ngu ngani.

1 Samuwele 22:3 Referans Kwoze

1 Timoti 5:4

Nguko, ngako msikati wa noni a di ni vanana mwendo vatukulu, ti lumba vona kuthanga ve komba txithavo ka vaveleki vawe, ni ku va tshumetela asi va nga si amukela kwawe. Atiya ngu tona ti tsakisako masoni ka Txizimu.

1 Samuwele 14:47

Sekoko Sawule a to fuma txitimwi ka Israyeli e lwa ni votshe valala vakwe, vale va nga ti mrandete, i ku vava: Mowabhi, ni vanana va Amoni, ni Edhomi, ni vafumeli va Zobha, ni Vafilista; kotshe amu a nga ti tiya, a ti ko xula.

1 Samuwele 3:18

Sekoko Samuwele a to m'gela totshe timhaka tile, asi msiseli txilo. Se Eli a to khene: I Mkoma; a na mahe ti i ku ta tinene masoni kwakwe!

Rute 4:17

Se vaakelani vakwe va txisikati va to mraya ditina, va txi kha vona: “Nowemi a veleketwe mwanana wa m'zambi.” Se ditina dakwe va to m'dhana ku i Obhedhi. Awuwa i tate wa Jese, tate wa Dhavhidha.

Rute 4:10

ni ti to kambe na amukela Rute, wa Mowabhi, i nga ti ti msikati wa Mahaloni, a txi maha msikati wangu, kasi kuwusa ditina da mfi, txitimwi ka thomba yakwe, kasiku ditina da mfi di si fuvi hagari ka vanawe, ni ha banza ka wukhalo wawe; ka tiya, nyamsi mi tifakazi.

Valamuli 11:29

Sekoko konako Moya wa Txizimu, wu to khandama ka Jefta, se Jefta a to tshawunyeta ditiko da Gileyadhi ni da Manasi, a txi pinda ngu Misipa wa Gileyadhi a txi ya ditikoni ka va ka Amoni.

Eksodha 20:12

Thava tate wako ni mame wako kasiku masiku ako ma na engetelwa ka ditiko di u nga ningwa ngu Mkoma, Txizimu txako.

Genesisi 47:11

Josefa a to veka tate wakwe ni vanawe, ka wukhalo wa wunene ngutu ka otshe makhalo a ditikoni ka Egipta, ka wukhalo wa Ramesesi, madingano ni ti Faro a nga wombisa tona.

1 Samuwele 22:2

Se votshe vathu vale va nga ti ti xaniseka, ni votshe vathu vale va nga ti ni minandu, ni votshe vathu vale va nga ti ni moya wo biha, va to sengeletana kwakwe, se ene e va mthangeli wawe; vale a nga ti na vo i ti vo dingana 400 wa vavamna.

1 Samuwele 22:4

Se a to va tisa masoni ka mfumeli wa Vamowabhi, ve ta zumba nayo otshe masiku ale Dhavhidha a nga ti zumba mikhokholani.

2 Samuwele 8:2

Kambe a to xasela Vamowabhi, e va otelisa hahatshi ni ku va pima ngu ngoti, a to va pima ngu tingoti timbidi kasi ku e va daya, avale va nga pimwa ngu ngoti yimweyo a to va leka ve hanya. Ngu kumaha keto, Vamowabhi va to maha tikhumbi ta Dhavhidha, ve mluva.