1 Samuwele 21:5 - Bhiblia Yo Sawuleka

⁵ Se Dhavhidha a to xamula ka mphaxeli, a txi khene: Ina, hi ni masiku mararu hi di hambani ni vavasikati; mbimo yi ni nga khukha nyatulo mimidi ya majaha yi ti sawulekile; ngu mamahelo okari dipawu da wihi ni wihi, ngutu-ngutu nyamswi di na sawuleka ka yimwani mimidi.

1 Samuwele 21:5 Referans Kwoze

Mithumo 9:15

Kambe Mkoma a ti khene kwakwe: “Tsula, nguko awuwa, ngu txona txiya txi ni nga ti sawulela txona, kasiku hokisa ditina dangu ka vamatiko, ni ka mfumeli, ni ka vanana va Israyeli.

Levhi 24:9

Si na lumba Aroni ni vanana vakwe, va na dyela ha wukhaloni ko sawuleka; nguko nzilo so sawuleka, ngutu ka sile si mahelwako Mkoma, si lumba vona; mlayo wuwa mbwa kwa mbi na magwito.

Levhi 8:26

Kambe ngu ka txirundu txa mapawu o mbi tshumbelwa, txi txi nga ti masoni ka Mkoma, a to teka txibhubhutela txo mbi tshumbelwa, ni txibhubhutela txa dipawu da mtona, ni dipawu da kuoma, e si veka txitimwi ka mafura ni txitimwi ka txiphanga txa txinene.

1 Pedro 3:17

Ti ni lisima ngutu kuxaniseka ngu kumaha ti i ku ta tinene, na eto i di kuranda ka Txizimu, kupinda kuxaniseka ngu kumaha tile i ku to biha.

1 Vakorinto 7:5

Mi nga tonaneni, hahanze ka kuva mi txi pfana ngu wumbidi wanu ngu mbimwanyana, kasiku mi sikota ku ti ningela mkombeloni. Mi di gwitile, tshanganani kambe, kasiku Sathani asi mi duki ngu ku ambi ti ñola kwanu.

Eksodha 19:14

Sekoko Mosi a to txhika ngu mmangoni, a txi ya sawulekisa vathu; ene a va basisile, kambe va kuwute syambalo sawe.

Eksodha 19:15

Se a to khene ka vathu: “Ka ditshiku da wuraru, manekani mi di ti lulamisete, mi nga tshuketeleni vavasikati.”

Eksodha 25:30

Se txitimwi ka meza u na veka mapawu a mhamba, ma txi va i di txikombiso masoni kwangu, ka yotshe mbimo.