1 Samuwele 20:3 - Bhiblia Yo Sawuleka

³ Sekoko Dhavhidha a to xambanya kambe, a txi khene: Tate wako wa tiziva kha kwati to ni mani dikato masoni kwako; ngu kumaha keto, a to khene: A nga yi zive Jonatani mhaka yi ya nguko yi nga mpanda; se kha ditshuri, ni xambanya ngu Mkoma wu a hanyako, ni muhefemulo wako wu hanyako, ku to sala dizambo dimwedo dwe ku ni hoka kufani.

1 Samuwele 20:3 Referans Kwoze

2 Vafumeli 2:6

Se Elija a to khene ka Elixa: Sala kona hawa, Mkoma a ni rumile kuya Jordhani. Aniko ene a to khene: Ni xambanya ngu Mkoma a hanyako, ni moya wako wu hanyako, kha ni na mbi kusiya. Se ngu kumaha keto va to tsula votshe.

1 Samuwele 27:1

Kambe Dhavhidha a to khene mbiluni kwakwe: Dimwani ditshiku ni na dawa ngu Sawule; kha ku nata tshuko kwangu kupinda ku ni huluka ni kuluveta ni tsula ditikoni ka Vafilista; kasiku Sawule a txi leka ku ni xota ka yotshe mihingano ya Israyeli; ngu kumaha keto ni na huluka ka dianza dakwe.

1 Samuwele 25:26

Konkuwa koko, nyamne wangu, ni xambanya ngu Mkoma a hanyako, ni muhefemulo wako, Mkoma a kuvhalete kutheketa mnoha ni ku ti photela ngu dianza dako; kambe konkuwa, valala vako ni vale va lavako wubihi wo wukela nyamne wangu, va na fane ni Nabhali,

Dhewuteronome 6:13

U na thava Mkoma, Txizimu txako, u txi mkhozela, ni kuxambanya ngu ditina dakwe.

2 Vafumeli 2:4

Se Elija a to khene: Elixa, sala kona hawa, nguko Mkoma a ni rumile kuya Jeriko. Aniko ene a nje khene: Ni xambanya ngu Mkoma a hanyako ni moya wako wu hanyako a tito, kha ni na mbi kuleka. Se va to ta Jeriko.

2 Vafumeli 2:2

Se Elija a to khene ka Elizewu: Sala kona hawa, Mkoma a ni rumile kuya Bheteli. Aniko Elixa a to khene: Ni xambanya ngu Mkoma a hanyako, ni moya wako wu hanyako a ti to kha ni na mbi kuleka. Se va to tsula kumweko Bheteli.

1 Samuwele 1:26

Se Ana a to khene: Ah! Awe nyamne wangu! Di na hanye dihika dako, nyamne wangu; ngani wamsikati wule a nga ta ema masoni kwako, ku ta kombela ka Mkoma.

Vahebheru 6:16

Vathu va xambanya ngu ditina da wu i ku wa hombe kwawe, kotshe kukanetana kuguma ngu kuxambanya ko tsana.

Jeremiya 38:16

Sekoko mfumeli Zedhekiya a to xambanya ka Jeremiya txihunjani, a txi khene: Mkoma a hanyako, awu a nga hi ninga wutomi wuwa, kha ni na mbi kudaya, hambi ku kuningela manzani ka vathu vale va xotako wutomi wako.

Jeremiya 4:2

Se u na xambanya, u txi khawe: Mkoma a hanyako, ngu ditshuri, ka kulamula ni ka wululamo; matiko ma na ti katekisa ngu ngene, ni kutikulisa ngu ngene.”

Masalmo 116:3

Ni ti tombetetwe ngu majoke a lifo, ku asama ka diphala ku txi ni thela ndendema; ani ni to tala ngu kuthava ni kuxaniseka.

2 Samuwele 15:21

Kambe Itayi a to xamula mfumeli, a txi khene: Hanya Mkoma, ni kuhanya mfumeli, nyamne wangu, ti to kotshe mu mfumeli, nyamne wangu, a noya kona, mwendo kufani, mwendo ngu hanyani, ngu ditshuri txithumi txako txi na va koneho.

1 Samuwele 17:55

Se mbimo yile Sawule a nga wona Dhavhidha a txi tsula kuya tshangana ni Mufilista, a to khene ka Abhineri, mthangeli wa dibutho da yimbi: Abhineri, mwanana wa mani mfana wuwa kani? Se Abhineri a to khene: Wu na hanye muhefemulo wako, awe mfumeli, kha ni m'zivi.

Dhewuteronome 28:66

Wutomi wako wu na juwela nga wu to sungwa ngu ngoti masoni kwako; u na va ni madhukano, wusiku ni mitshikari, khu na mbi va ni themba kuhanyani kwako.

1 Samuwele 20:2

Se ene a to m'gela ku khene: Hi nga toneto; khu na mbi fa! Wona taku, tate wangu kha mahi mhaka ya hombe hambi ya yidotho, asi thanga ngu ku ni zivisa; ngu kutxani koko, tate wangu a nga ni sisela mhaka yo fana ni yiya kani? Hi nga tona eto!

1 Samuwele 20:4

Se Jonatani a to khene ka Dhavhidha: Ati moya wako wu ti lavako ni na ku mahela tona.