1 Samuwele 20:1 - Bhiblia Yo Sawuleka

¹ Sekoko Dhavhidha a to tutuma ngu Nayote, kona Rama, eya masoni ka Jonatani, a txi ya khene: Ni onhile txani kani? Mnandu muni ni ku nawo kani? Ngu txihi txionho txangu masoni ka tate wako, a ku a lavako ku ni daya kani?

1 Samuwele 20:1 Referans Kwoze

2 Pedro 2:9

Atiya ti womba ti to Mkoma wa sikota kuponisa vathu va wukhongeli ni kuveketa ava vo biha kasi ve ta tsayiswa ngu ditshiku do lamulwa;

1 Johani 3:21

Vorandeka, ngako mbilu yi si hi mangali, hi na ni txithembo ka Txizimu;

2 Vakorinto 1:12

Nguko wudhumo wathu ngu wuwa: Wufakazi wa livhalo lathu waku, hi hanyile hagari ka vathu, ngu ditshuri ni kuthembeka ka Txizimu, na i si nga ngu wutxhari wa vathu, aniko ngu makatekwa a Txizimu, hi hanyile ha mafuni ngutu-ngutu kumweko ni nanu.

1 Samuwele 24:17

Se a to khene ka Dhavhidha: Awe u lulamile ngutu kupinda ani; nguko awe wu ni tshumetete ngu wunene, kambe ani ni ku tshumetete ngu wubihi.

1 Samuwele 24:11

Wona koko, tata wangu, wona diye tshoka ya txyambalo txako manzani kwangu; nguko ani ni to wila tshoka ya txyambalo, kambe kha na kudaya. Wona koko, u tiziva ti to kha ku na wulala ni wubihi manzani kwangu, ni ti to ani kha na kuonhela; kambe awe wu lavetela kuthavisa wutomi wangu.

1 Samuwele 24:9

Se Dhavhidha a to khene ka Sawule: Ngu kutxani u engisa mapswi a vathu vale va ku kha vona: Wona taku Dhavhidha a lava ku ku mahela to biha kani?

1 Samuwele 12:3

Ngani wuwa hawa, ni fakazeleni masoni ka Mkoma ni masoni ka wule a nga totwa wa Mkoma: I mani ni nga mtekela homu kani? I mani ni nga mtekela mbongola kani? I mani ni nga mdyelela kani? I mani ni nga mxanisa mwendo kuamukela siningo ngu kwakwe so ni vhala maso angu kani? Se ni na mtshumetela.

1 Samuwele 20:2

Se ene a to m'gela ku khene: Hi nga toneto; khu na mbi fa! Wona taku, tate wangu kha mahi mhaka ya hombe hambi ya yidotho, asi thanga ngu ku ni zivisa; ngu kutxani koko, tate wangu a nga ni sisela mhaka yo fana ni yiya kani? Hi nga tona eto!

Masalmo 54:3

Vanyamtangumo va ta, ve ta ni vhuka; vathu va tshofu va lava ku ni daya, va si khatali ngu Txizimu.

1 Samuwele 19:1

Se Sawule a to gela Jonatani, mwanana wakwe, ni sotshe sithumi sakwe taku ve daya Dhavhidha. Kambe Jonatani, mwanana wa Sawule, a ti ti dhunda ngutu Dhavhidha.

1 Samuwele 19:18

Ngu kumaha keto Dhavhidha a to tutuma e huluka, eya ka Samuwele, kona Rama, eya m'geletela totshe tile Sawule a nga ti maha; se Dhavhidha ni Samuwele va to khukha veya zumba Nayote.

1 Samuwele 20:32

Sekoko Jonatani a to xamula ka Sawule, tate wakwe, a txi khene: A na dawelwa txani kani? A mahile txani kani?

1 Samuwele 24:12

Mkoma a na lamule hagari kwangu ni nawe, ni ku ni photela kwako; kambe dianza dangu kha di na mbi kuwukela.

1 Samuwele 26:18

A to khene kambe: Ngu kutxani nyamne wangu e tutumisa txithumi txakwe nga tiya kani? Nji txani ni nga onha koko, kani? Ni ku wubihi muni wu kuho kwangu kani?