1 Samuwele 2:8 - Bhiblia Yo Sawuleka

⁸ Wa humisa txisiwana amu ka dikhuma, wa guleta txikulungu madhakani, kasi ku e txi khalahatshisa hagari ka vakoma, ni kuvaninga thomba ya txikhalo txa wudhumo; nguko makhato a mafu nga Mkoma, a vekile ditiko txitimwi ka ona.

1 Samuwele 2:8 Referans Kwoze

Dhaniyeli 2:48

Sekoko mfumeli a to kulisa Dhaniyeli, e mninga siningo sasingi sa hombe, e m'veka kuva mfumeli wa ditiko dotshe da Bhabhilona, ni kuva mfumeli wa hombe wa totshe titxhari ta Bhabhilona.

Jakobe 2:5

Engisani, vanathu vo randeka: Ina kasi Txizimu kha txa langa vathu va sisiwana ditikoni muwa, kufela kuve maha vanyatithombe mu ka likholo, ni vadyi va thomba ya Mfumo wu txona Txizimu txi nga wu thembisa ka vale va txi randako, kani?

Dhaniyeli 6:3

Sekoko Dhaniyeli wuwa a ti pinda vathangeli ni vafumeli, nguko kwakwe ku ti ti ni moya wa wunene; se mfumeli a to pimisa ku m'veka kuva mthangeli txitimwi ka wotshe mfumo.

Mtuletelo 1:6

a txi hi maha vakoma ni vaphaxeli ngu mtamo wa Txizimu Tate wakwe: Kupfaliswa ni mtamo si na lumbe ene kala kupinduka. Amen.

Ekleziyaste 4:14

Nguko mmwani a huma ngu mkorani a txi ya fuma; ina, awule a nga velekwa i di txisiwana mfumoni kwakwe.

1 Samuwele 15:17

Se Samuwele a to khene: Hambi ku awe u ku m'dotho kuwonani kwako, khwa vekwa kuva mthangeli ka tihunzu ta ka Israyeli kani? Kambe Mkoma a ku totile kuva mfumeli txitimwi ka Israyeli.

Mtuletelo 22:5

Kha ku na mbiswa ku di ni wusiku; ni wammweyo kha na mbiswa e lava kuwoninga ka dilambu, hambi kuwoninga ka ditambo, nguko Mkoma Txizimu a na va woninga, se vona va na fuma ngu ha ku si gumiko.

Mtuletelo 5:10

Ngu vona u mahete Txizimu txathu, mfumo wa vaphaxeli, se vona va na fuma ha mafuni.”

2 Samuwele 7:8

Konkuwa koko, u na gela txithumi txangu Dhavhidha, u txi khawe: Mkoma wa Mabutho a Tiyimbi a khene: Ani ni kuthavisile wudyiseloni, msana ka tinvuta, kasi ku kumaha mthangeli txitimwi ka vathu vangu, txitimwi ka va ka Israyeli.

Mtuletelo 3:21

Ka wu a xulako ni na mninga kateko yo khalahatsha kumweko ni nani ha txikhaloni kwangu ka wukoma, kufana ni nani ni nga xula, se ni nga khalahatsha kumweko ni Tate wangu ha txikhaloni kwakwe ka wukoma.

Vahebheru 1:3

Ene, ngako i ku liwoningo la wudhumo wa Txizimu, ni txikombiso txa wudhumo wa txona, awu a hiketako sotshe simaha ngu mtamo wa dipswi dakwe, msana ka kuva a di gwitile kukuwula sionho, a ti ya zumba txineneni ka wuhombe wa Nyatxitimwi nzumani

Masalmo 104:5

U vekile mafu txitimwi ka makhato o tsana, kasiku me zumba ma di tsani.

Masalmo 102:25

U mahile mafu kukhukhela makhatoni; ngawe upune u nga va nga tinzuma.

Masalmo 24:2

Ngene a nga va nga mafu txitimwi ka linene, ngene a nga ma maha txitimwi ka minambo.

Genesisi 41:14

Sekoko Faro, a to ruma vathu veya dhana Josefa, va txi kha vona: Kuluveta ku mu humisa ngu mkorani. Ene a to yola maletu, e txitxa syambalo, a txi tsula masoni ka Faro.

Jobe 2:8

Se Jobe a to teka txirengele e halela ngu txona silonda, e khalahatsha hagari ka dikhuma.

Genesisi 41:40

Awe u na va mthangeli wa nyumba yangu, ni vathu vangu votshe va na fumwa ngu milayo yako, ani ngu mhaka ya txikhunja txangu txa wukoma, ni va ni di wa hombe kwako.

Dhaniyeli 4:17

Kulamula kuwa kuyelana ni mthetho wa vawoneleli, se kuruma kuwa ngu kule ka mlayo wa vasawuleki; Kasiku va va hanyako ve ziva ti taku Nyatxitimwi wa fuma txitimwi ka mifumo ya vathu, kambe wa ninga ni wuhi a mrandako, kala ka m'thu wa hahatshi ngutu.

1 Vafumeli 16:2

Ngako ni nga kuguleta ha lithuluni ni kumaha mthangeli txitimwi ka vathu vangu va ka Israyeli, se awe u tsimbite ka nzila ya Jerobhowamu, u onhisile vathu vangu va ka Israyeli, u ni henyisa ngu sionho sako,

2 Vafumeli 9:6

Sekoko a to khukha e wulela nyumbani, a to thela mafura ha msungo ka Jehu, a nje khene: Mkoma, Txizimu txa Israyeli, a khene: Ni ku totile kuva mfumeli txitimwi ka vathu va Mkoma, txitimwi ka Israyeli.

Jobe 1:21

Jobe a to khene: Ni humile ngu mndani ka mwamwangu ni di tximbwiri, se ni na tshumelela kona kambe ni di tximbwiri; Mkoma a ningile, kambe Mkoma a tekile; di na guletwe ditina da Mkoma.

Masalmo 75:3

Ngako ditiko di txi tsekatseka, kumweko ni sotshe sivangwa si ku ka dona, ani ni na tsanisa tiphande ta dona.”

Masalmo 75:7

Nguko Txizimu ngu txona i ku mlamuli: Vamwani txa va abanisa, aniko vamwani txa va txhatxha.

Masalmo 107:41

Txa humisa txisiwana mu kuxuphekani ka txona txi andisa ngamu ya txona nga mtxhambi wa tinvuta.

Isaya 22:23

Se ni na m'bethela kufana ni txipikiri ka wukhalo wo tsana, a na fana ni txikhalo txa wukoma wa lisima, ka nyumba ya tate wakwe.

Masalmo 75:4

Ni ti khani ka sipumbu: Mi nga ti maheni sipumbu; Ni ka vaonhi ni ti khani: “Mi nga ti maheni sihwiri!”