1 Samuwele 2:5 - Bhiblia Yo Sawuleka

⁵ Avale kale va nga ti tikhura, vathumela dipawu, aniko konkuwa avale va nga ti ni nzala va humute; hambi txifule txi velekile mtxhanu wa vanana ni vambidi, se awule a nga ti ni vanana votala a sate ekha.

1 Samuwele 2:5 Referans Kwoze

Luka 1:53

Avale va nzala a va khurisile ngu sa sinene, e hangalasa avale va kutithemba, na va si nga ni txilo manzani.

Masalmo 113:9

a mahako ti to wamsikati wa txifule e veleka e mmaha mame wa vanana kani? Dhumisani Mkoma.

Jeremiya 15:9

Awu a nga veleka mtxhanu wa vanana ni vambidi, a hohovate, a fite; ditambo dakwe di pswitikile na kuve i ngadi mitshikari; a rwate tingana ni kujujeka msungo. Ava va nga sala ni na va ningela ka ditxhari masoni ka valala vawe, kuwomba Mkoma!”

Masalmo 34:10

Vanyatithombe va maha sisiwana, va pfa nzala, aniko ni txa tximwetxo kha txi pwateki ka vale va lavako Mkoma.

Luka 16:25

Abrahamu a xamute a txi khene: ‘Mwanangu, alakanya ti to awe u amukete mathomo ako kuhanyani kwako, aniko Lazaro ene a amukete sixaniso; se konkuwa ene wa mana kuruliswa mbilu, aniko awe wa mana sixaniso.

Isaya 54:1

Mkoma a khene: “Embelela ngu kutsaka, awe txifule, awe u nga mbi veleka! Pfalisa ngu kutsaka ngu ka wuembeleli wo tsakisa, se u kwangula, awe u nga mbi pfa kupanda ka kuveleka! Nguko mbangi vanana va wule a nga lekwa, kupinda va wule a ku wukati.”

1 Samuwele 1:6

Se mkatikulowe a to mtxhepeta, kasiku mpfisa kupanda, ngu kule Mkoma a nga ti m'vhate masembe.

1 Samuwele 1:20

Se ku to maheka taku, ku di pindile mbimo yokari, Ana a to mana txirumbu, e veleka mwanana wa mfana, e mraya ditina daku i Samuwele, nguko ene a ti ti khene: Ni mkombete ka Mkoma.

Vagalatiya 4:27

nguko ti bhatwe va txi kha vona: “Tsaka, awe txifule, awe u ku si nga ni vanana; peka mkulungwani wa litsako, awe u si ziviko kulumwa ka kuveleka; nguko mbavangi ngutu vanana va wule a nga lekwa, kupinda va wule a ku ni mwamna.”

Rute 4:15

Ene a na va mmalateli wa moya wako, ni ku kuxayisa amu kukumbani kwako, nguko mane wako, awule a ku dhundako, a mvelekile, kambe Rute mbwa mnene kupinda mtxhanu wa vanana ni vambidi.”

Isaya 33:9

Ditiko da kuma ni kupeka huwa, Libhanoni a ni tingana, a wunile, Xaroni a hindukile e fana ni txiwula, Bhasani ni Karmeli va zuzilwe.