1 Samuwele 2:3 - Bhiblia Yo Sawuleka

³ Mi nga andiseni mapswi o tikulisa, ni mapswi o ti guleta ma nga hume sisofuni kwanu; nguko Mkoma, Njizimu txa wutxhari, ene wa veka mithumo yathu ha txikaloni.

1 Samuwele 2:3 Referans Kwoze

Mavingu 8:13

Kuthava Mkoma ngu venga wubihi; na venga kutikulisa ni mahanyelo o biha, ni nzila ya walo, ni txisofu txo ruketela.

1 Vafumeli 8:39

va engise awe koko nzumaniyo, ka txitulu txi u zumbako ka txona, divalela, maha, ninga ka mmweyo ni mmweyo madingano ni mahanyelo akwe, ni ti u nga wonisako tona mbilu yakwe, nguko ngawe wekha u zivako timbilu ta vanana va vathu.

Mavingu 24:12

Ngako u txi khawe: Kha hi ti zivi; ina awule a xolako timbilu, kha na mbi ti tumbula kani?

Vahebheru 4:12

Dipswi da Txizimu da hanya, di ni mtamo. Da hinda kupinda ditxhari do lotwa ka otshe madhawa, dona da milela mndani, kala kuya abanisa mmidi ni moya, kala kuya thola matshanganoni ka marambu ni mndani ka wuluvi, di ya tumbula mialakanyo ni makungo a mbilu.

Mavingu 16:2

Tinzila ta m'thu ti basile masoni kwakwe ene nyamne, aniko Mkoma a kala mimoya.

Isaya 37:23

U sote mani, niku u ruketete mani kani? Niku u kwangute u txi wukela mani, kambe u gulete mani maso kani? U wukete Msawuleki wa Israyeli!

Masalmo 147:5

Mbwa hombe Mkoma wathu, kambe mbwa mtamo wa hombe; wuzivi wakwe kha wu na magwito.

Masalmo 94:4

Votshe va va mahako kubiha va ti guleta, va ti kulisa ni kutiguleta ngu wubihi.

Masalmo 44:21

ina Txizimu kha txi na mbi tiziva tona eto kani? Nguko txona txa ziva txihunja txa mbilu yathu.

Jobe 31:6

(Txizimu txi na ni veke sikaloni ko lulama, se txi na ziva kuthembeka kwangu);

1 Samuwele 16:7

Aniko Mkoma a to khene ka Samuwele: U nga wone kutshura kwakwe, hambi txiemo txakwe, nguko ani khani mlavi; nguko Mkoma kha wonisi ti a wonisako tona m'thu. M'thu a wona si si ku masoni kwakwe, aniko Mkoma a wona mbilu.

Mtuletelo 2:23

Ni na daya vanana vakwe, kasiku otshe Mabanza me tiziva ti to ngani ni zivako makungo a titsho ni a mbilu, ni ti to mmweyo ni mmweyo wanu ni na mu tshumetela madingano ni mithumo yakwe.

Malakiya 3:13

Mapswi anu ma ve o lwisa ngutu kwangu, kuwomba Mkoma; aniko anu mi khanu: Intxani hi nga womba-womba txona ngu ngawe kani?

Dhaniyeli 5:27

Tekele: U pimilwe ha txikaloni, se u maneka u txi hehuka.

Dhaniyeli 4:37

Se konkuwa koko, ani Nebhukodhonosori, na bonga, na guleta ni kudhumisa Mfumeli wa nzumani; nguko mithumo yakwe yotshe di ditshuri, ni tinzila takwe do lulama, kambe wa sikota kuveka hahatshi a vale va tikulisako.

Jeremiya 17:10

Ani Mkoma ni xola mbilu, ni xola mapimo; ni ninga ka mmwani ni mmwani, madingano ni mahanyelo akwe, madingano ni mihando ya mithumo yakwe.

Isaya 26:7

Nzila ya wo lulama, yi lulamile yotshe, awe ngu kululama, u pima matsimbilelo a mlulami.

Masalmo 17:10

Va bangisile mbilu yawe ngu mafura va womba-womba ngu kutikulisa.

Masalmo 31:18

Malata vathu va makuhu, nguko va womba kubiha ngu Txizimu txo sawuleka, txa kwa mbi na magwito, ngu kutiguleta ni kukanyisa.

Masalmo 75:5

“Mi nga wukeleni Txizimu, mi nga ti maheni siphukuphuku, ngako mi txi bwabwata.”

Joxuwa 22:22

Txizimu txa sizimu, Mkoma, Txizimu txa sizimu, Mkoma, Ene wa tiziva, ni Israyeli nene a fanete ku tiziva; ngu didhawa dathu ngako hi di mahile wuhurupha mwendo kueyisa Mkoma wathu, ene a na leke ku hi hulukisa ka ditshiku da nyamsi,

Valamuli 9:38

Sekoko Zebhule a to mu wotisa, a txi khene: Txi hayi konkuwa txisofu txako, atxile u nga womba ngu txona u txi khawe: “I mani Abhimeleki wa ku na za hi na mthumela kani? Ina hi nga vathu vava u nga va eyisa kani? Na ku kombela koko, huma u txi yalwa nayo.”

Ezekhiyele 35:13

Anu mi ti mahile vahombe kwangu; ani ni ti pfite.