1 Samuwele 2:21 - Bhiblia Yo Sawuleka

²¹ Mkoma koko a to katekisa Ana, se e mana txirumbu e veleka vanana vararu va vafana ni vanana vambidi vamahorana; se mfana Samuwele a ti kula masoni ka Mkoma.

1 Samuwele 2:21 Referans Kwoze

Luka 2:40

Mwanana a txi kula ni kumana mtamo, na a di tate ngu wutxhari; ani kateko ya Txizimu yi ti ti ni nene.

Genesisi 21:1

Mkoma a to alakanya Sara, nga ti a nga womba, se e maha kwakwe ati a nga ti thembisile tona.

1 Samuwele 3:19

Se Samuwele a to kula, na Mkoma a di kumweko nayo, kambe asi leki ni da dimwedo ka otshe mapswi akwe mewa hahatshi.

1 Samuwele 2:26

Se mfana Samuwele a to kula a txi tsakelwa ngu Mkoma ni vathu.

Valamuli 13:24

Msana keto, awu wamsikati a to veleka mwanana wa mfana, a txi mraya ditina daku i Samusoni; aniko mfana a to kula, se Mkoma a txi mkatekisa.

Luka 1:80

Se mwanana a ti ti kula, a txi mana mtamo moyani. Se a ti zumba txiwulani kala ditshiku da kutiwonekisa kwakwe ka Israyeli.

Luka 1:68

“A na dhumiswe Mkoma, Txizimu txa Israyeli, nguko a endete vathu vakwe, a txi va tirula.

Luka 2:52

Se Jesu a ti kula mu ka wuzivi ni ka txiemo ni mu ka kateko, masoni ka Txizimu ni ka vathu.

Masalmo 127:3

Vanana i thomba ya kuningwa ngu Mkoma Txizimu, liveleko i kateko ya ditshuri.

Mavingu 3:4

Se u na mana kukateka ni mapimo amanene, masoni ka Txizimu ni ka vathu vavanene.