1 Samuwele 2:16 - Bhiblia Yo Sawuleka

¹⁶ Se ngako m'thu a txo m'gela ku khene: Thangani ngu kuhisa mafura a nyamsi, se ngu msana u na ti tekela yi u yi navelako, sekoko, ene a ti ti mxamula, a txi khene: Ahim-him, ni ninge konkuwa; aniko, ngako wo txa lamba ni na maha ngu kuhonyola.

1 Samuwele 2:16 Referans Kwoze

Levhi 3:16

Otshe mafura ma nava a Mkoma; mphaxeli a fanete ku mahisa ha txiluveloni. Nzakudya si si ningelwako kumweko ni mhamba, ti to si na hiswa, kasi kutsakisa Mkoma, ngu kubhumula ka sona.

Mika 3:5

A womba tiya Mkoma ka vaprofeti, va va timetako vathu vangu, va va lumako ngu makwasa awe va txi kha vona: Kuthutha! Se awule asi va kovetisiko txilo mkanani, va mxomela yimbi.

Nehemiya 5:15

Aniko vafumeli vo khata, avale va nga fuma masoni kwangu, va ti ti nemelisela vathu, va txi va tekela sakudya ni vhinya, hahanze ka mune wa magumi a maxekele a silivhela; hambi vafana vawe va ti ti xanisa vathu; aniko ani kha na maha eto, ngu mhaka yo thava Txizimu.

Valamuli 18:25

Aniko vanana va ka Dhani va to m'gela tiya: “U nga hi mahe ti to hi pfa dipswi dako, kasi ku vavamna va txihenyisani, va si thuki va txi mi tshikulela, se awe u txi luzekelwa ngu wutomi wako, ni wutomi wa va mwayani kwako!”

1 Samuwele 2:15

Kambe na mafura ma sanzi kuhiswa, mfana wa mphaxeli a ti ti ta khene ka m'thu wule a ningelako mphaxo: Naheta nyameyo ni ya yokela mphaxeli, nguko kha na mbi amukela ngu kwako nyama yo bhikwa, hahanze ka yayimbiso.

1 Samuwele 2:17

Ngu kumaha keto, txionho txa majaha awa i ti ti txa hombe ngutu masoni ka Mkoma, nguko vathu va ti eyisa mningelo wa Mkoma.