1 Samuwele 2:1 - Bhiblia Yo Sawuleka

¹ Sekoko Ana a to kombela, a txi khene: Mbilu yangu yi tsakela Mkoma, ni mtamo wangu u guletilwe ka Mkoma; Txisofu txangu txi asamile txitimwi ka valala vangu, nguko na tsaka kuhanyisani kwako.

1 Samuwele 2:1 Referans Kwoze

Masalmo 13:5

Ani ni themba wumbilu wako; mbilu yangu yi tsakela kuhanyisa kwako.

Vafilipiya 4:6

Mi nga karatekeni ngu txilo, vanathu, aniko mikombelo yanu yi na kombe minavelo yanu ni kubonga kwanu ka Txizimu.

Masalmo 92:10

Ani u ni ningile mtamo wa nyari; u ni katekisile ngu ku ni tota mafura o bhumula ha msungo.

Masalmo 89:17

Kha ditshuri, awe u mtamo wathu ni wudhumo wathu; wurena wathu wa tsaniswa ngu wunene wako.

Vafilipiya 4:4

Tsakani ka Mkoma yotshe mbimo! Na engeta ni mi gela: Tsakani!

Masalmo 20:5

Hi na peka mikulungwani, hi txi tsakela kuxula kwako ngu ditina da Txizimu hi na gwimba mijeke. Mkoma a na ku ninge sotshe si u si navelako.

Masalmo 9:14

kasi ni na sikota kuembelela wudhumo wako ni di Siyoni ni txi tsaka ngu kuwa u nga ni hulukisa.

Masalmo 35:9

Ani na tala ngu litsako, nguko Mkoma a ni ningile kuxula.

Vafilipiya 3:3

Ava va nga ya wukwerani ngu ngathu, hi khozelako Txizimu ngu Moya wa txona; hi ti pfalisa ngu ka Jesu Kristu, hi si veki kuthemba kwathu ka nyama,

Varoma 5:11

Kambe hi nga toneto tokha, aniko kambe ha giya ngu ka Txizimu, ngu mhaka ya Mkoma wathu Jesu Kristu, awuwa hi nga mana kutshanganiswa ngu ngene.

Habhakuki 3:18

Hambi keto, ani na tsaka ka Mkoma; ni na guleta Txizimu txa kuhanyiswa kwangu.

Masalmo 118:14

Ani na bonga Mkoma a ni ningako mtamo; ene i Muhanyisi wangu!

Masalmo 89:24

Kuthembeka kwangu ni lirando langu si na va ni nene; ngu ditina dangu wu na tsana wukoma wakwe.

Eksodha 15:21

Miriyamu a ti ti va embelelisa, a txi khene: “Embelelani mi dhumisa Mkoma, nguko a ti ambekile wudhumo; kambe a tshotshile lineneni dihantxhi ni m'gadhi wa dona.”

Eksodha 15:1

Sekoko ka yona yile mbimo, Mosi ni vanana va ka Israyeli va to embelela ndando yiya ve dhumisa Mkoma, va txi kha vona: Ni na embelela ni dhumisa Mkoma, nguko a gulekile ngutu; A tshotshile lineneni dihantxhi ni m'gadhi wa dona.

1 Pedro 1:8

Ene wu mi mrandako, hambiko mi sinziko ku mu wona; ene wu mi kholwako kwakwe, atiya ti na mi ninga kutsaka ko mbi balwa ni kutala ni wudhumo;

Masalmo 51:15

Mkoma, tula txisofu txangu; kasiku ni na sikota kuhuwelela wudhumo wako.

Masalmo 18:2

Mkoma, dirigwi dangu, ni mkhokhola wangu wo tsana, kambe mtxhatxhisi wangu; Txizimu txangu mkhokhola wangu, buthavelo wu ni thembako wona; njitxhavangu txangu, mtamo wa kuhanyiswa kwangu, wuthavelo wangu wa hombe.

Habhakuki 3:1

Mkombelo wa mprofeti Habhakuki ngu mamahelo a kuembelela.

Masalmo 75:10

Txona txa haxula mtamo wa vabihi, aniko txa engetela mtamo wa vavanene.

Masalmo 71:8

Txisofu txangu txi na tale ngu ku kudhumisa ni wudhumo wako dotshe ditshiku.

Mtuletelo 18:20

Tsakani ngu mhaka ya dona didhoropa diya: “Awe nzuma ni nanu vasawuleki, vapostoli ni vaprofeti, nguko Txizimu, ngu ku di lamulisa tiya, txi mi lamulete.”

Luka 1:69

A hi wusete Muhanyisi wa mtamo ka nyumba ya Dhavhidha, txithumi txakwe.

Nehemiya 11:17

se Mataniya, mwana Mika, mwana Zabhedhi, mwana Asafe, mthangeli wu a nga khata mkombelo wa kubonga, ni Bhakebhukiya, i nga ti ti wa wumbidi ka vanawe; kulondeta Abhidha, mwana Samuwa, mwana Galali, mwana Jedhutuni.

Dhewuteronome 33:17

Ene ana ni wudhumo wa didhuna da matiwula, titxheho takwe ti fana ni titxheho ta nyari; ngu tona a na lovisa votshe vathu ngu txikhati tximwetxo, kala magwito ka mafu; ngu vona i ku 10.000 wa va ka Efrayime, ni vava i ku magumi a mazana a va ka Manasi.”

Jobe 16:15

Rungani mkhwasi aha ka nyama yangu, se mi rindilita msungo wangu lithuluni.

Masalmo 148:14

Ene a ningile mtamo ni mfumo ka vathu vakwe, kasiku vasawuleki vakwe va txi m'dhumisa; vona vanana va ka Israyeli, i ku ngamu yakwe a yi randako. Dhumisani Mkoma!

1 Samuwele 1:6

Se mkatikulowe a to mtxhepeta, kasiku mpfisa kupanda, ngu kule Mkoma a nga ti m'vhate masembe.

1 Samuwele 1:7

Se a ti mahisa toneto dilembe ni dilembe; mbimo yi Ana a nga ti kwelela eya Nyumbani ka Mkoma, Penina a ti ko mtxhepeta; se a txi zumba ngu kudila, asi dyi txilo.

2 Makronika 20:27

Sekoko, votshe va Judha ni va Jerusalema, va to tshumela veya Jerusalema ngu kutsaka. Josafati a to thangela masoni kwawe, nguko Mkoma a di va tsakisile ngu kuvaninga kuxula ka valala vawe.

Masalmo 21:2

U mningile asi a nga ti si navela ngu mbilu yakwe khwa mtona asi a nga kukombela.

Masalmo 89:18

Nguko Mkoma m'vhikeli wathu. Kambe Msawuleki wa ka Israyeli, i ku ene Mfumeli wathu!