1 Samuwele 19:4 - Bhiblia Yo Sawuleka

⁴ Sekoko Jonatani a to womba-womba ni tate wakwe Sawule ngu wunene wa Dhavhidha, a txi khene: U nga onhe awe mfumeli ngu kuwukela txithumi txako Dhavhidha, nguko ni txona kha txa kuonhela, nguko mithumo ya txona njinene ngutu kwako.

1 Samuwele 19:4 Referans Kwoze

Jeremiya 18:20

Ina wunene wu nga tshumetelwa ngu wubihi kani? Nguko va kete diphala kasi wu txi wulela muhefemulo wangu. Alakanya ti taku ni emile masoni kwako, kuva ni womba-womba ngu wunene wako ni kutshumetela kule navo kuhenya kwako.

Genesisi 42:22

Se Rubheni a to va xamula a txi khene: “Kha na mi gela ti to mi nga maheni kubiha ka mnanda wathu, kani? Aniko anu kha ma ni engisa; se wonani, mnoha wakwe wa vilelwa.”

Mavingu 17:13

Se ka wule a dihelako wunene ngu wubihi, wubihiwo kha wu na mbi va kule ni nyumba yakwe.

1 Samuwele 20:32

Sekoko Jonatani a to xamula ka Sawule, tate wakwe, a txi khene: A na dawelwa txani kani? A mahile txani kani?

Masalmo 35:12

Va ni tshumetete wunene ngu wubihi, ni sala ni si nga ni tangu.

1 Samuwele 22:14

Se Ayimeleki a to xamula ka mfumeli, a txi khene: I mani a kuho hagari ka sotshe sithumi sako, wo thembeka kufana ni Dhavhidha, mwane wa mfumeli, wo engisa ni kudhundeka nyumbani kwako kani?

1 Vakorinto 8:12

Se ngako mi txi hoxela vanathuvo, mi txi va dayisa livhalo lawe lo mbi tsana, ka toneto ma hoxela Kristu.

2 Makronika 6:22

Ngako m'thu wokari a txi onhela mmwani, e mu vekela txixambanyo txitimwi kwakwe ti to e xambanya, se txixambanyo txita masoni ka txiluvelo txako, ka yiya nyumba,

1 Samuwele 2:25

Ngako m'thu a txi onhela mmwani m'thu, valamuli va na mlamula; aniko ngako m'thu a txi onhela Mkoma, i mani a no mkombelela kani? Hambi keto, kha va engisa dipswi da tate wawe, nguko Mkoma a ti ti lava ku vadaya.

Genesisi 9:6

Awu a theketako mnoha wa m'thu, mnoha wakwe wu na va wu txi theketwa ngu m'thu, nguko Txizimu txi mahile m'thu ngu mfananiso wa txona.

1 Johani 3:15

Votshe va va vengelako vanawe mbadayi va vathu; se ma tiziva ti to kuwalo wu i ku m'dayi, awu wutomi wo mbi guma wu sikotako kuzumba kwakwe.

Masalmo 59:4

Vona va tutumela ku ni xomela, ni si nga ni mnandu. Wuka, Mkoma u txi wona u ta ni vhuna!