1 Samuwele 19:1 - Bhiblia Yo Sawuleka

¹ Se Sawule a to gela Jonatani, mwanana wakwe, ni sotshe sithumi sakwe taku ve daya Dhavhidha. Kambe Jonatani, mwanana wa Sawule, a ti ti dhunda ngutu Dhavhidha.

1 Samuwele 19:1 Referans Kwoze

1 Samuwele 18:1

Kambe ku to maheka taku, a di gwitile kuwombawomba ni Sawule, mhefemulo wa Jonatani wu to patana ni mhefemulo wa Dhavhidha; se Jonatani a to m'randa kufana ni ti a ti randisako tona ene.

1 Samuwele 18:9

Se kukhukhela ka ditshiku dile ni kuya masoni, Sawule a to bavela Dhavhidha.

1 Samuwele 18:8

Sekoko Sawule a to henya ngutu, ni dipswi dile di to maneka di di bihile masoni kwakwe; se a txi khene: Digumi da magumi a mazana va ningile Dhavhidha, kambe ani digumi da mazana dwe; kha ditshuri, a kelelelwa ngu txani, hi nga mfumo dwe kani?

1 Samuwele 19:2

Se Jonatani a to gela Dhavhidha a txi khene: Tate wangu Sawule, a lava ku kudaya; ngu mhaka yeto, konkuwa ti wonele, vindukela u ya zumba ka wukhalo wo sisala, u barama kona.

Genesisi 37:18

Vona va mu woni a di ngadi kule, se na a sanzi kuhoka hafuhi kwawe, va to langana ti to ve m'daya.

1 Samuwele 18:3

Se Jonatani ni Dhavhidha va to maha txitumelelano, nguko Jonatani a ti ti mranda ku nga ti ene a ti randisako tona.

1 Samuwele 18:25

Sekoko Sawule a to khene: Gelani Dhavhidha mi txi khanu: Mfumeli kha lavi lowolo, aniko a lava dizana wa wukhuna wa Vafilista, kasi kuphota ka valala va mfumeli. Ngu kumaha keto, Sawule a ti lava kudaya Dhavhidha ngu dianza da Vafilista.

1 Samuwele 20:1

Sekoko Dhavhidha a to tutuma ngu Nayote, kona Rama, eya masoni ka Jonatani, a txi ya khene: Ni onhile txani kani? Mnandu muni ni ku nawo kani? Ngu txihi txionho txangu masoni ka tate wako, a ku a lavako ku ni daya kani?

1 Samuwele 20:19

Se ngako u txi pwateka masiku mararu, relela ngu kukuluveta u ya ka wukhalo wule u nga ti baramile ka wona ngu ditshiku da mahungu; wu ya zumba hafuhi ni dirigwi da Ezeli.

2 Samuwele 4:8

Se va to yisa msungo wa Isibhosete ka Dhavhidha, kona Hebroni, va txi kha vona ka mfumeli: Diwo msungo wa Isibhosete, mwana Sawule, mlala wako, wule a nga ti ti lava ku kudaya; Nyamsi Mkoma a photete mfumeli nyamne wathu, ka Sawule ni ka liveleko lakwe.