1 Samuwele 18:1 - Bhiblia Yo Sawuleka

¹ Kambe ku to maheka taku, a di gwitile kuwombawomba ni Sawule, mhefemulo wa Jonatani wu to patana ni mhefemulo wa Dhavhidha; se Jonatani a to m'randa kufana ni ti a ti randisako tona ene.

1 Samuwele 18:1 Referans Kwoze

Mavingu 18:24

M'thu wu a ku ni vangana vavangi a nga ti tsakisa, kambe ku ni mngana wo thembeka ngutu kupinda mwanawe.

1 Samuwele 20:17

Se Jonatani a to xambanyisa Dhavhidha kambe, nguko a ti mdhunda; nguko a ti mranda ngu lotshe lirando la mbilu yakwe.

2 Samuwele 1:26

Ni pandisekile ngutu ngu ngawe mwanathu Jonatani; u ti ti randeka ngutu kwangu! Lirando lako li ti ti ni tsakisa ngutu kupinda lirando la vavasikati!

1 Samuwele 18:3

Se Jonatani ni Dhavhidha va to maha txitumelelano, nguko Jonatani a ti ti mranda ku nga ti ene a ti randisako tona.

Vakolosa 2:2

kasiku timbilu tawe ti txi tsaniswa; se, ti di tshanganisilwe ngu lirando, ti na ningwa kutalelwa ngu kupfisisa ko hetiseka ni wuzivi wa misisalo ya Txizimu, i ku Kristu apune;

Genesisi 44:30

Konkuwa ngako hi txi ya woneka nyumbani ka txithumi txako, i ku tate wathu, na mfana hi si nga nayo, awu moya wakwe i ku wumwewo ni moya wa tate,

Dhewuteronome 13:6

Ngako mwananu, awu i ku mwanana wa mame wako, mwendo mwanana wako wa mfana, mwendo wa dihorana, mwendo msikati wa mbilu yako, mwendo mndoni wako wo randeka ngutu, a txi lava ku ku kujetela ngu malengo, a txi khene: “He tsimbile hi txi ya khozela simwani sizimu,” sizimu sile awe ni vatate vako mi nga mbi si ziva,

1 Makronika 12:17

Se Dhavhidha a to huma eya womba-womba navo, a txi khene: Ngako anu mi txi ta kwangu ngu kudikha ku ta ni vhuna, mbilu yangu yi na ti pata ni nanu; kambe ngako mi txi lava ku ta ni ningela ka valala vangu, ni sa onha txilo ngu manza angu, Txizimu txa vatate vathu txi na ti wone, txi lamula.

1 Samuwele 19:2

Se Jonatani a to gela Dhavhidha a txi khene: Tate wangu Sawule, a lava ku kudaya; ngu mhaka yeto, konkuwa ti wonele, vindukela u ya zumba ka wukhalo wo sisala, u barama kona.

Valamuli 20:11

Ngu kumaha keto va to tshangana votshe vavamna va ka Israyeli, va txi wukela didhoropa diya, va di patanile nga m'thu mmweyo dwe.

Masalmo 86:11

Ni gondise, Mkoma, nzila yako, kasiku ni yi londisa ngu yotshe mbilu. Maha ti to mbilu yangu yi dhumisa ditina dako.

1 Samuwele 14:45

Kambe vathu va to kha vona ka Sawule: Ina Jonatani a na fa, ene wule a nga maha mthumo wa hombe wo hulukisa Israyeli kani? Ti nga maheke to nga eto. Hi xambanya ngu Mkoma a hanyako, u nga thuke u wisa hahatshi msisi ni wawumwewo dwe wa ha msungo kwakwe! Nguko Jonatani a mahile eto ni Txizimu nyamsi. Ngu kumaha keto, vathu va to hulukisa Jonatani, kasiku asi fi.

1 Samuwele 19:1

Se Sawule a to gela Jonatani, mwanana wakwe, ni sotshe sithumi sakwe taku ve daya Dhavhidha. Kambe Jonatani, mwanana wa Sawule, a ti ti dhunda ngutu Dhavhidha.

1 Samuwele 20:8

Pfela wumbilu koko, txithumi txako, nguko u mahile ti to txithumi txako txi wulela ni nawe ka txitulelelano txa Mkoma; se ngako ku di ni wubihi wokari kwangu, ni daye awe wupune; ngu kutxani u lava ku ni heleketa ka tate wako kani?

1 Samuwele 22:8

kuza anu motshenu mi maha txikungo txo ni wukela kani? Se ku to pwateka ni wammweyo wo ni zivisa to mwanana wangu a mahile txitumelelano ni mwanana wa Jese; awalo ni wammweyo hagari kwanu a ni khatalelako, e ni gela to mwanana wangu a kujetete txithumi txangu, kasi ku ni mahela siduko, kufana ni ti ni ti wonako nyamsi.

1 Samuwele 23:18

Se va to maha txitumelelano ngu wumbidi wawe masoni ka Mkoma. Dhavhidha a to zumba txitingani, kambe Jonatani a to tshumela e tsula m'tini kwakwe.