1 Samuwele 17:1 - Bhiblia Yo Sawuleka

¹ Se Vafilista va to sengeleta mabutho awe kasi ku yalwa, va to ya sengeletana kona Soko, i ku ditiko da ka Judha, kambe veya gova ngu hagari ka Soko ni Azeka, m'hinganoni ka Dhamini.

1 Samuwele 17:1 Referans Kwoze

Joxuwa 15:35

Jarimute, Adhulamu, Soko ni Azeki;

2 Makronika 28:18

Ni vona Vafilista va to dhumela madhoropa a mikovani ni a wulambwe ka Judha, se va to teka Bheti-Xemexe, ni Ayijaloni, ni Gedheroti, ni Soko ni makhalo akwe o mlumba, ni Timana ni makhalo akwe o mu lumba, ni Gimizo ni makhalo akwe o mu lumba, ve zumba ka ona.

1 Makronika 11:13

Awuwa a ti kumweko ni Dhavhidha kona Pasi-Dhamini, mbimo yile Vafilista va nga ti patanile koneho va txi ya kulwani, se didhawa dimwani da thembwe di ti tate ngu sevhadha, aniko vathu va to thava masoni ka Vafilista.

1 Samuwele 13:5

Se Vafilista va to sengeletana kasi kulwa ni Israyeli. Va ti ti ni 3.000 wa sikotxikani, ni 6.000 wa vagadhi va mahantxhi, ni vathu votala ku nga mtxhefa wa mambambe ka linene; kambe va to kwelela veya gova Mikimaxi, ngu didhawa da wutxani ka Bheti-Avheni.

Valamuli 3:3

Mtxhanu wa vathangeli va Vafilista, ni votshe Vakanana, ni Vasidhoni, ni Vahevhi, vale va nga ti akile mmangoni ka Libhanoni, kukhukhela mmangoni ka Bhahali-Hermoni kala ka txike txa Hamati.

Jeremiya 34:7

mbimo yile yimbi ya mfumeli wa Bhabhilona yi nga lwa ni Jerusalema, ni madhoropa otshe a ka Judha, ale ma nga ti sate, yi wukela Lakixe ni Azeka; nguko madhoropa awa o tsana, ngu awa ma nga sala, hagari ka madhoropa a ka Judha.

2 Makronika 11:7

ni Bheti-Zuri, ni Soko, ni Adhulami,

1 Samuwele 14:52

Se ku to maneka yimbi ya hombe yo wukela Vafilista, ka otshe masiku a kuhanya ka Sawule. Ngu kumaha keto, votshe vavamna va tindena ni mtamo, avale Sawule a nga va wona a to va teka ve maha vakwe.

1 Samuwele 14:46

Kambe Sawule a to leka kulondeta Vafilista, se Vafilista ve tshumelela ka wukhalo wawe.

1 Samuwele 7:7

Va di ti pfite koko Vafilista taku, vanana va ka Israyeli va ti sengeletanile kona Misipa, vahombe va Vafilista va to kwelela veya wukela va ka Israyeli; se mbimo yile vanana va ka Israyeli va nga tipfa va to thava ngu mhaka ya Vafilista.