1 Samuwele 16:1 - Bhiblia Yo Sawuleka

¹ Sekoko Mkoma a to khene ka Samuwele: U na dilela Sawule kala yihi mbimo, akule ani ni nga mlamba, kasi ku asi fumi txitimwi ka Israyeli kani? Tata litxheho lako ngu mafura se wuta; ni ta kuruma ka Jese, wa Bhetlehema; nguko ni ti sawulete mfumeli hagari ka vanana vakwe.

1 Samuwele 16:1 Referans Kwoze

2 Vafumeli 9:1

Sekoko mprofeti Elixa a to dhana mmweyo ka vanana va vaprofeti e ta m'gela tiya: Sunga txiwunu txako, u teka ngoto yiya ya mafura ngu dianza dako, u tsula Ramoti-Gileyadhi.

1 Samuwele 15:23

Nguko kutitsimba kufana ni txionho txa wuloyi, ni kutikulisa kufana ni wubihi ni kukhozela sifananiso. Nga kule awe u nga lamba dipswi da Mkoma, nene a ku lambile, kasi ku u si mahi mfumeli.

1 Samuwele 15:35

Se Samuwele kha swa kambe a txi wonana ni Sawule kala ka ditshiku da kufa kwawe; nguko Samuwele a ti ti ni wumbilu ni Sawule. Se Mkoma a to tilaya ngu kule a nga veka Sawule kuva mfumeli txitimwi ka va ka Israyeli.

Varoma 15:12

Kambe Isaya nene wa womba a txi khene: “Di na humelela diphasikela da Jese, i ku wule a telako ku ta fumela otshe matiko; se ona matiko ma na veka kwakwe txithembo txa ona.”

1 Samuwele 16:15

Sekoko sithumi sa Sawule si to khene kwakwe: Wona taku, konkuwa moya wo biha wutako ngu ka Mkoma, wu ku fenegetile.

1 Samuwele 10:1

Sekoko Samuwele a to teka txingotwana txa mafura, e ma thela ha msungo ka Sawule, se e mnyuta, a txi khene: Ina Mkoma kha kutota mafura, kuva mthangeli txitimwi ka thomba yakwe kani?

1 Samuwele 15:26

Kambe Samuwele a to khene ka Sawule: Kha ni na mbi tshumela ni nawe; nga kule u nga lamba dipswi da Mkoma, nene Mkoma a ku lambile, kasiku u si mahi mfumeli txitimwi ka Israyeli.

1 Samuwele 9:16

Mangwana ngu yo yi mbimo na kurumela m'thu wa ditikoni ka Bhenjamini, awule u no mtota kuva mthangeli txitimwi ka vathu vangu va ka Israyeli, se ene a na txhatxhisa vathu vangu manzani ka Vafilista; nguko ni woni vathu vangu, ni kudila kwawe kuhokile kwangu.

1 Samuwele 15:11

Na tilaya nguku ni nga veka Sawule e maha mfumeli; nguko a lekile kulondeta sileleto sangu, kambe kha xayisa mapswi angu. Sekoko Samuwele a to henya, e dila ka Mkoma wusiku wotshe.

Jeremiya 6:30

Vona va na wombwa ku i silivhela yo lekwa, nguko Mkoma a va lekile.

2 Vafumeli 9:6

Sekoko a to khukha e wulela nyumbani, a to thela mafura ha msungo ka Jehu, a nje khene: Mkoma, Txizimu txa Israyeli, a khene: Ni ku totile kuva mfumeli txitimwi ka vathu va Mkoma, txitimwi ka Israyeli.

1 Samuwele 16:23

Se ku ti ti maheka tito, mbimo yi moya wo biha wo ta ngu ka Txizimu, wu nga ti ti ta ka Sawule, Dhavhidha a ti ti teka txitende e veta ngu dianza dakwe, sekoko Sawule a ti mana ku hehuka, se e tipfa i di tshuko, se moya wo biha wu huma kwakwe.

Jeremiya 7:16

Ngu konaho, u nga va kombelele vava vathu, u nga dhuke u guleta dipswi ngu vona ngu mikombelo, u nga ni kombele txilo, nguko na mba kuengisa.

Isaya 55:4

Wonani taku ani ni m'vekile kuva fakazi ka vathu, kuva mthangeli ni mfumeli wa vathu.

Isaya 11:10

Se ku na maheka tito, ka ditshiku donedo, matiko ma na wotisa ngu mtwi wa Jese, i ku wule wu no mahwa m'jeke wa vathu, se wukhalo wa kuhumula ka wona wu na va ni wudhumo.

2 Vafumeli 9:3

Se u teka ngoto ya mafura, u ma thela ha msungo kwakwe u txi khawe: Mkoma a khene: Ni ku totile kuva mfumeli txitimwi ka Israyeli. Sekoko u tula ditimba u tutuma, u nga zumbe.

1 Johani 5:16

Ngako m'thu a txi wona mwanawe a txi maha txionho, atxi txi si yisiko kufani, a na mkombelele; se Txizimu txi na mninga wutomi, ngako kha ditshuri txionho txiya i si nga txa kuyisa kufani. Txiho txionho txi txi yisako kufani, kambe hi nga txona txi ni ku khani a na mkombelela ngu txona.

Jeremiya 15:1

Sekoko Mkoma a to khene kwangu: “Hambi i ti ku Mosi ni Samuwele vo ta ema masoni kwangu, mbilu yangu nga yi si sikoti kuva kumweko ni vathu vava. Va tutumise masoni kwangu.

Jeremiya 11:14

Ngu konaho, u nga va kombelele vava vathu, u nga thuke u guleta dipswi ngu vona ngu mkombelo, nguko kha ni na mbi va pfa mbimo yi va dilako kwangu, ngu mhaka ya dikhombo dawe.

Isaya 11:1

Nguko ku na mila dikhukhu ditshinani ka Jese, ni ka mitwi yakwe ku na mila didhavi di veleka mihando.

Vahebheru 11:32

Nji txani kambe ni fanelako kuwomba, kani? Nguko mbimo, nga yi si dingani ti to ni womba mahungu ngu ta Gidhiyoni, ni Bharake, ni Samusoni, ni Jafete, ni Dhavhidha, ni Samuwele, ni vaprofeti.

1 Vafumeli 8:16

Kukhukhela ka ditshiku dile ni nga thavisa vathu vangu va ka Israyeli ngu Egipta, kha na sawula didhoropa ni da dimwedo ka tihunzu ta ka Israyeli kasi kuaka nyumba, kasi ni veka kona ditina dangu; aniko ni sawute Dhavhidha, kasi e fumela vathu vangu va Israyeli.

1 Makronika 11:3

Se otshe madhota a ka Israyeli ma to ta ka mfumeli, kona Hebroni, aniko Dhavhidha a to maha navo txitumelelano kona Hebroni, masoni ka Mkoma; se vona va to tota Dhavhidha kuva mfumeli txitimwi ka Israyeli, madingano ni dipswi da Mkoma, ngu kuwomba ka Samuwele.

1 Makronika 28:4

Se Mkoma, Txizimu txa Israyeli, a ni sawute hagari ka yotshe nyumba ya tate wangu, kuva ni fumela kala kupinduka txitimwi ka va ka Israyeli; nguko a sawute Judha kuva mthangeli, ni nyumba ya tate wangu, ka nyumba ya ka Judha; hagari ka vanana va tate wangu a tsakisilwe ngu ngani, kasi ku e ni maha mfumeli txitimwi ka votshe va ka Israyeli.

Zakariya 4:14

Sekoko ene a to khene kambe: Avava ngu vale vavambidi va nga totwa, va ku masoni ka Mkoma wa otshe mafu.

1 Samuwele 17:12

Se Dhavhidha i ti ti mwanana wa wamwamna wokari wa Efrata, ka Bhetlehema wa Judha, awu ditina dakwe i nga ti ti Jese, a nga ti ti ni mtxhanu wa vanana ni vararu; se ka masiku a Sawule wamwamna wuwa a ti kumbile, i ti wa tanga ya hombe hagari ka vathu.