1 Samuwele 15:1 - Bhiblia Yo Sawuleka

¹ Sekoko Samuwele a to khene ka Sawule: Mkoma a ni rumile ku ta kutota kuva mfumeli txitimwi ka vathu vakwe, i ku va ka Israyeli; Konkuwa koko, engisa dipswi da mahungu a Mkoma.

1 Samuwele 15:1 Referans Kwoze

1 Samuwele 9:16

Mangwana ngu yo yi mbimo na kurumela m'thu wa ditikoni ka Bhenjamini, awule u no mtota kuva mthangeli txitimwi ka vathu vangu va ka Israyeli, se ene a na txhatxhisa vathu vangu manzani ka Vafilista; nguko ni woni vathu vangu, ni kudila kwawe kuhokile kwangu.

1 Samuwele 12:14

Se ngako mi txi thava Mkoma, ni ku mthumela, ni kuengisa dipswi dakwe, kambe mi si leki sileleto sa Mkoma, anu ni mfumeli wu a fumako txitimwi kwanu, mi na londeta Mkoma, Txizimu txanu.

1 Samuwele 13:13

Sekoko Samuwele a to khene ka Sawule: U mahile wuphukuphuku! Kambe khu ya xayisa mlayo wule Mkoma, Txizimu txako txi nga kuleleta wona. Nguko konkuwa Mkoma a di na tsanisa mfumo wako txitimwi ka Israyeli kala kupinduka.

1 Samuwele 10:1

Sekoko Samuwele a to teka txingotwana txa mafura, e ma thela ha msungo ka Sawule, se e mnyuta, a txi khene: Ina Mkoma kha kutota mafura, kuva mthangeli txitimwi ka thomba yakwe kani?

1 Samuwele 9:15

Nguko nyamnova ka kona, na Sawule a sanzi kuhoka, Mkoma a to zivisa Samuwele, a txi khene:

2 Vafumeli 7:1

Sekoko Elizawu a to khene: Engisani dipswi da Mkoma. Mkoma a khene: Mangwana ka mbimo yo nga yona yiya, ku na maneka lipimo limwelo la mpupu ngu dixekele, ni tipimo timbidi ta sevhadha, ngu dixekele dimwedo, ha ditimbani ka Samariya.