3 Kambe Ayiyasi, mwana Ayitubhe, mwanawe wa Ikabho, mwana Finiyasi, mwana Eli, mphaxeli wa Mkoma kona Silo, a ti ti ambate efodhe; kambe vathu va si tiziva taku Jonatani a ti ti tsute.
Aniko a to raya mfana ditina daku i Ikabho, a txi khene: “Wudhumo u khukhile ka Israyeli, ngu kule dibhokiso da Txizimu di nga ti tekilwe, ni ngu mhaka ya kufa ka masale wakwe ni ka mwamna wakwe.”
Se ani ni msawute hagari ka totshe tihunzu ta va ka Israyeli kuva mphaxeli, kasiku e ningela txitimwi ka txiluvelo txangu, ni kuhisa dibaselo, e tisa efodhe masoni kwangu; kambe ni ningete nyumbani ka tate wako, yotshe miningelo ya kuhiswa ya vanana va ka Israyeli.
Wamwamna wuwa koko, a ti ti tolovela kukhukha didhoropani kwakwe, dilembe ni dilembe eya khozela ni kumaha mhamba ka Mkoma wa Mabutho a Tiyimbi, kona Silo; se ku ti ni vaphaxeli koneyo Silo; kambe koneyo ku ti ti ni vaphaxeli va Mkoma, Hofini ni Finiyasi, i ku vanana vambidi va Eli.
Msana keto, Sawule a to khene: A hi releleni hi londeta Vafilista ni wusiku, hi ya va handa kala kuza ditxitxa, kambe hi nga siyeni m'thu ni wammweyo kwawe. Se va to kha vona: Maha ti u ti wonako i di ta tinene masoni kwako. Kambe mphaxeli a to khene: A hi tshuketeni ahawa ka Txizimu.
Sekoko ku to rumelwa vathu vo ya Silo, veya teka dibhokiso da txitumelelano txa Mkoma wa Mabutho a Tiyimbi, di di zumbako hagari ka makerubhima; aniko vanana vambidi va Eli, i ku Hofini ni Finiyasi, va ti koneho ni dibhokiso da txitumelelano txa Txizimu.