1 Samuwele 13:9 - Bhiblia Yo Sawuleka

⁹ Sekoko Sawule a to khene: Ni neheleni mphaxo wo hiswa ni miningelo ya kudikha. Se a to ningela mphaxo wo hiswa.

1 Samuwele 13:9 Referans Kwoze

1 Vafumeli 3:4

Se mfumeli a to tsula Gibheyoni kuya phaxela kona, ngu kona i nga ti ti wukhalo wo guleka ngutu, a to ya ningela digumi da mazana a miphaxo ka txiluvelo txile.

Dhewuteronome 12:6

Se mi na yisa kona miningelo yanu yo hiswa, ni timhamba tanu, ni miningelo yanu ya sa wugumi, ni siningo sa kundiwitela sa manza anu, ni miphaxo ya kuxambanya kwanu, ni miningelo ya kuranda kwanu, ni matiwula a tihomu tanu ni tinvuta tanu.

Isaya 66:3

A wule a dayako homu, a fana ni wule a dayako m'thu; awu a phaxako ngu txinvutana, a fana ni wule a dayako yimbwa; awu a ningelako sa thembweni a fana ni wule a ningelako mnoha wa khumba; awule a hisako dibaselo a fana ni wule a khozelako txithombe; ni vona vava va ti langela tinzila tawe vapune, se muhefemulo wawe wa tsaka ngu wubihi wawe.

Mavingu 21:27

Mphaxo wa muonhi njinyenyeko; ngutu-ngutu wu txi ningelwa ngu kulava to biha.

Mavingu 21:3

Ta tumeleka ngutu ka Mkoma kumaha kulumula, ni kulamula ngu kululama, kupinda ku mninga mphaxo.

Mavingu 20:22

U nga wombe ku khawe: Ni na tshumetela wubihi; themba ka Mkoma, se ene a na kuhulukisa.

Mavingu 15:8

Mphaxo wa vaonhi njinyenyeko ka Mkoma, aniko a tsakiswa ngu mkombelo wa vo lulama.

Masalmo 37:7

Themba Mkoma, u txi rinzela ene; u nga khatale ngu vale va humelelako wutomini kwawe, avale va humelelako ngu makungo awe o biha.

2 Samuwele 24:25

Se Dhavhidha a to aka koneho txiluvelo txa Mkoma, e ningela miphaxo ya kuhiswa ni mningelo wa kudikha. Koneko Mkoma a to tsetsa ditiko, se txitsayiso txile txi to guma txitimwi ka va ka Israyeli.

1 Samuwele 14:18

Sekoko Sawule a to khene ka Ayiyasi: Tisa dibhokiso da Txizimu hawa. (Nguko ka ditshiku dile, dibhokiso da Txizimu di ti ni vanana va ka Israyeli).

Dhewuteronome 12:5

aniko mi na ya khozela Mkoma, Txizimu txanu, ka wukhalo wule a no wu sawula hagari ka totshe tihunzu tanu, kasi kuveka kona ditina dakwe, ni kuva a txi zumba kona; se mi na va koneho.