1 Samuwele 13:5 - Bhiblia Yo Sawuleka

⁵ Se Vafilista va to sengeletana kasi kulwa ni Israyeli. Va ti ti ni 3.000 wa sikotxikani, ni 6.000 wa vagadhi va mahantxhi, ni vathu votala ku nga mtxhefa wa mambambe ka linene; kambe va to kwelela veya gova Mikimaxi, ngu didhawa da wutxani ka Bheti-Avheni.

1 Samuwele 13:5 Referans Kwoze

1 Samuwele 14:23

Ka ditshiku donedo Mkoma a to hulukisa Israyeli; se wugovelo wu to hoka Bheti-Avheni.

Joxuwa 11:4

Votshe vava, va to huma ni otshe masotxhwa awe, vathu votala ngutu, nga mtxhefa wu ku likasani ka linene, ni mahantxhi ni sikotxikani so tala ngutu.

Joxuwa 18:12

Muhingano wa didhawa da wuphemba wu ti ti khukhela Jordhani ngu wuphemba, wu txi ya ngu txitimwi ka mmango, wu txi komba kuya mswa-ditambo, wu txi ya gwitela txiwulani ka Bheti-Avheni.

Hoseya 10:5

Vahanyi va Samariya va dhuswa ngu dirole da Bheti-Avheni, ngu kumaha keto, vathu va kona va na tilaya ngu mhaka yakwe, kufana ni vaphaxeli vawe (va nga ti tsaka ngu dona), se ngu mhaka ya wudhumo wu nga khukha ka dona.

Hoseya 5:8

Vetani dikhombela kona Gibheya, ni mpundu kona Rama; kwangulani ngutu kona Bheti-Avheni; Ti wonele msana kwako awe Bhenjamini.

Hoseya 4:15

Se awe Israyeli, u txi lava ku ti mwalata, Judha a nga ti ninge mnandu; mi nga teni Giligali, kambe mi nga kweleleni mi ya Bheti-Avheni, ni ku mi nga xambanyeni mi txi khanu: “Mkoma a hanyako.”

Jeremiya 15:8

Tinoni tawe ti engetekelani kupinda mtxhefa wa linene. Ni nehile mlovisi wu a dayako vamame va mazambi ni mitshikari. Ngu txidhukisa ni rumete txitimwi kwawe kuxaniseka ni kuthava.

Isaya 48:19

Hambi liveleko lako li ndi na fana ni mafu, ni vale va humako disembeni kwako, va ndi na tala nga mtxhefa wa lineneni; ditina dako di si dhuki di thaviswa, hambi kuloviswa masoni kwangu.

2 Makronika 1:9

Konkuwa koko, awe Mkoma Txizimu, tsanisisa dipswi dako, dile u nga ninga Dhavhidha, tate wangu; nguko awe u ni mahile mfumeli txitimwi ka vathu votala ngutu nga lithulu la mafu.

Valamuli 7:12

Vamidhiyani ni Vaamaleki ni votshe vanana va wutxani, va ti ti mbambamete mkovani, na i di vavangi nga humbi, ni mtengo wo mbi balwa wa makamelu awe, ma txi nga mtxhefa wa likasani ka linene.

Joxuwa 7:2

Joxuwa koko a di Jeriko, a to rumela vavamna vokari va txi ya Ayi, ku ku hafuhi ni Bheti-Avheni, ngu didhawa da wutxani ka Bheteli, a txi va gela tiya: “Tsulani mi txi ya xola ditiko.” Vavamna vale koko, va to tsula kuya xola ditiko da Ayi.

Genesisi 22:17

ni na kukatekisa, ni andisa liveleko lako, nga tinyeleti ta nzumani, ni ku nga mtxhefa mabambe ka linene; liveleko lako li na honyola madhoropa a valala va lona.

Varoma 9:27

Isaya nene wa huwelela ta Israyeli, a txi khene: “Hambiko mtengo wa vanana va ka Israyeli wu fanako ni mtxhefa wa lineneni, miboti yokha ngu yona yi no poniswa;

1 Samuwele 7:13

Ngu kumaha keto, Vafilista va to xulwa ve si swi ve wuya kambe mihinganoni ka Israyeli, nguko dianza da Mkoma di to wukela Vafilista ka otshe masiku a Samuwele.

1 Samuwele 13:2

Sekoko Sawule a to ti sawulela 3.000 wa vavamna va ka Israyeli; se 2.000 wawe a ti ti navo kona Mikimaxi ni mmangoni ka Bheteli, se 1.000 wa vona va ti ti ni Jonata kona Gibheya ka Bhenjamini; kambe votshe vathu vale va nga sala a to va tshumeta, mmweyo ni mmweyo eya m'tini kwakwe.

1 Samuwele 13:11

Sekoko Samuwele a to khene: U mahile txani kani? Sawule a to khene: Ni di woni ti to vathu va khata ku hangalakela, ni ti to awe khu bwaki mndani ka masiku ale hi nga langana, ni ku Vafilista va sengeletani kona Mikimaxi,

1 Samuwele 17:1

Se Vafilista va to sengeleta mabutho awe kasi ku yalwa, va to ya sengeletana kona Soko, i ku ditiko da ka Judha, kambe veya gova ngu hagari ka Soko ni Azeka, m'hinganoni ka Dhamini.

2 Samuwele 17:11

Aniko ani ni womba tito, votshe va ka Israyeli va na ti pate kwako, ngu kukuluveta, kukhukhela Dhani kala Bhersebha, va di tate kufana ni mtxhefa wa lineneni, ni ti to awe upune tsula kulwani.

1 Vafumeli 20:27

Se a to xola vanana va ka Israyeli ni vona, e va mana va di longile, va to tsula kuya hingelela masoni ka Vasiriya, hambiko Vaisrayeli i nga ti mitxawa yimbidi yayidotho, yo fana ni tiphongo, na Vasiriya va di tatile dotshe ditiko.

Isaya 10:28

Se wa hoka ka didhoropa da Ayate, wa pinda ngu Migroni, ni kutshotsha thundu yawe kona Mikimasi.

1 Samuwele 14:52

Se ku to maneka yimbi ya hombe yo wukela Vafilista, ka otshe masiku a kuhanya ka Sawule. Ngu kumaha keto, votshe vavamna va tindena ni mtamo, avale Sawule a nga va wona a to va teka ve maha vakwe.