1 Samuwele 13:2 - Bhiblia Yo Sawuleka

² Sekoko Sawule a to ti sawulela 3.000 wa vavamna va ka Israyeli; se 2.000 wawe a ti ti navo kona Mikimaxi ni mmangoni ka Bheteli, se 1.000 wa vona va ti ti ni Jonata kona Gibheya ka Bhenjamini; kambe votshe vathu vale va nga sala a to va tshumeta, mmweyo ni mmweyo eya m'tini kwakwe.

1 Samuwele 13:2 Referans Kwoze

1 Samuwele 10:26

Sawule nene a to tsula m'tini kwakwe, kona Gibheya; se ka dibutho a to tsula ni vale Txizimu txi nga gwesa timbilu tawe.

1 Samuwele 14:31

Kambe ka ditshiku donedo va to xasela Vafilista, kukhukhela Mikimaxi kala Ayijaloni; se vathu va ti gumile mtamo ngutu.

1 Samuwele 13:5

Se Vafilista va to sengeletana kasi kulwa ni Israyeli. Va ti ti ni 3.000 wa sikotxikani, ni 6.000 wa vagadhi va mahantxhi, ni vathu votala ku nga mtxhefa wa mambambe ka linene; kambe va to kwelela veya gova Mikimaxi, ngu didhawa da wutxani ka Bheti-Avheni.

1 Samuwele 13:23

Se ku to huma vawoneleli va Vafilista veya zumba ka nzila ya Mikimaxi.

2 Samuwele 21:6

ka vanana vakwe hi ninge mtxhanu wa vavamna ni vambidi, kasiku hi va txikita masoni ka Mkoma, kona Gibheya ka Sawule, wule a nga sawulwa ngu Mkoma. Se mfumeli a to khene: Ni na mi ningeta.

1 Samuwele 15:34

Sekoko Samuwele a to tsula Rama; kambe Sawule a to kwelela eya m'tini kwakwe, kona Gibheya ka Sawule.

1 Samuwele 14:52

Se ku to maneka yimbi ya hombe yo wukela Vafilista, ka otshe masiku a kuhanya ka Sawule. Ngu kumaha keto, votshe vavamna va tindena ni mtamo, avale Sawule a nga va wona a to va teka ve maha vakwe.

1 Samuwele 14:5

Dirigwi dimwedo da wuphemba di ti ti ngu masoni ka Mikimaxi, se dimwani da wulambwe, di ti ti ngu masoni ka Gibheya.

1 Samuwele 8:11

a txi khene: Txihena txa mfumeli wu a no fuma txitimwi kwanu, ngu txiya: A na teka vanana vanu e va maha va tsimbitisi va sikotxikani sakwe ni kuva vagadhi va mahantxhi akwe, kasiku ve tutuma masoni ka sikotxikani sakwe.

Valamuli 19:12

Aniko nyamne wakwe a to mxamula a txi kha ene: “Lambi, hi nga wuleleni ka didhoropa ni da dimwedo da vane, daku va i si nga da vanana va ka Israyeli, aniko hi na pindelela kala Gibheya.”

Joxuwa 18:28

Sela, Elefi ni Gebhusi, (e ku Jerusalema), i Gibheya ni Kiriyati: Digumi da madhoropa ni mune, ni miti ya kona; ayiya i thomba ya vanana va ka Bhenjamini, madingano ni mtengo wa timwaya ta kona.

1 Samuwele 10:5

Sekoko u naya mmangoni ka Txizimu, ahale ku ku ni vawoneleli va Vafilista; se ku na maheka taku, mbimo yi u no wulela didhoropani, u na mana mtxawa wa vaprofeti va txi relela ngu ka wukhalo wo guleka va di ni timbila, ni tingoma, ni misengele, ni maharipa; se va na profeta.

1 Samuwele 13:1

Sawule a ti ti ni dilembe dimwedo da kufuma kwakwe, se ka dilembe da wumbidi a to fuma txitimwi ka Israyeli.

1 Samuwele 13:11

Sekoko Samuwele a to khene: U mahile txani kani? Sawule a to khene: Ni di woni ti to vathu va khata ku hangalakela, ni ti to awe khu bwaki mndani ka masiku ale hi nga langana, ni ku Vafilista va sengeletani kona Mikimaxi,

1 Samuwele 13:15

Sekoko Samuwele a to khukha Giligali e kwelela eya Gibheya ka Bhenjamini; se Sawule a to bala vathu vale a nga ti navo, e mana vo dingana 600 wa vavamna.

1 Samuwele 13:16

Se Sawule ni mwanakwe Jonatani, ni vathu vale va nga ti navo va to zumba Gibheya ka Bhenjamini; kambe Vafilista va to ya gova kona Mikimaxi.

1 Samuwele 26:2

Sekoko Sawule a to khukha e relela txiwulani ka Zifi, kumweko ni 3.000 wa vavamna va nga sawulwa hagari ka va ka Israyeli, kuya lava Dhavhidha txiwulani ka Zifi.

2 Samuwele 20:1

Sekoko ku to dhuka kumaneka wamwamna wa Bheliyali, wule ditina dakwe i nga ti ti Sebha, mwana Bhikiri, m'thu wa ka Bhenjamini, wule a nga veta mpundu, a txi khene: Kha hi nga ni txyavelo ka Dhavhidha, hambi thomba ka mwana Jese; anu va ka Israyeli, mmwani ni mmwani a na tsule ditendani kwakwe.

Joxuwa 22:6

Joxuwa a to va katekisa, e va gela ti to ve tsula, se vona va to tshumelela matendani kwawe.

1 Samuwele 24:3

Se va to hoka sibalani ka tinvuta hafuhi ni nzila, ahale ku nga ti ti ni diphala; se Sawule a to wulela ka dona, kuya ti ruma kona; kambe Dhavhidha ni vathu vakwe va ti ngu madhawani ka diphala.

2 Samuwele 23:29

Helebhi mwana Bhahana, mnetofati; Itayi, mwana Ribhayi, wa Gibheya, wa vanana va ka Bhenjamini;

Ezra 2:27

Vavamna va Mikimasi, 122.

Nehemiya 11:31

Vanana va Bhenjamini wa Gebha, va to aka ka didhoropa da Mikima, ni Ayiya, ni Bheteli, ni ka makhalo a ma nga ti ti fumwa ngu vona;