1 Samuwele 13:12 - Bhiblia Yo Sawuleka

¹² ni to khani: Konkuwa Vafilista va na kwetima ve ta lwa ni nani kheno Giligali, kambe kha ni se kombela masoni ka Mkoma: Se ni ti kurumetile ni ningela mningelo wo hiswa.

1 Samuwele 13:12 Referans Kwoze

2 Vakorinto 9:7

M'thu a na ningele kota nga ti a xuvisako tona mbiluni kwakwe, asi karateki mwendo kukurumetwa, nguko Txizimu txi randa awu a ningelako ngu litsako.

Amosi 8:5

Mi txi khanu: U na pinda ditshiku muni m'buso wa kumeka ka mtxima, kasi ku hi txi na mana kuxavisa timbewu kani? Ni Sabbata ku hi na tula sizenda sathu sa fulaho, hi hungula efa, hi engetela mtengo wa mxavo, hi thumisa ngu kunemela sikalo so kanganyisa.

Masalmo 66:3

Wombani mi txi khanu ka Txizimu: “Mithumo yako ya diwukisa, Txizimu! Mtamo wako mbwa hombe ngutu aha koza valala vako ve nama ve dhudhumela masoni kwako.

1 Samuwele 21:7

Kambe ka ditshiku donedo ku ti ti mmweyo wa sithumi sa Sawule koneho, a di ñolekile masoni ka Mkoma; se ditina dakwe i ti ti Dhowege, Muedhomi, mthangeli wa hombe ka vadyisi va Sawule.

1 Samuwele 13:11

Sekoko Samuwele a to khene: U mahile txani kani? Sawule a to khene: Ni di woni ti to vathu va khata ku hangalakela, ni ti to awe khu bwaki mndani ka masiku ale hi nga langana, ni ku Vafilista va sengeletani kona Mikimaxi,

1 Samuwele 13:13

Sekoko Samuwele a to khene ka Sawule: U mahile wuphukuphuku! Kambe khu ya xayisa mlayo wule Mkoma, Txizimu txako txi nga kuleleta wona. Nguko konkuwa Mkoma a di na tsanisa mfumo wako txitimwi ka Israyeli kala kupinduka.

1 Samuwele 15:12

Se Samuwele a to vindukela ni mixo e hingeta Sawule; se ku to ziviswa ka Samuwele va txi kha vona: Konkuwa Sawule a hokile Karmeli, kambe wona taku a ti emisete phande. Sekoko a to horoloka e pinda e relela Giligali.

1 Samuwele 15:22

Kambe Samuwele a to khene: Ina Mkoma a tsakiswa ngu miningelo ya kuhiswa ni miphaxo, kupinda kuengisa dipswi da Mkoma kani? Wonani taku kuengisa kutshuko kupinda mphaxo; ni kupfisisa kutshuko kupinda mafura a tihamba.