1 Samuwele 12:8 - Bhiblia Yo Sawuleka

⁸ Mbimo yile Jakobe a nga wulela Egipta, vatate vanu va to dila ka Mkoma, se Mkoma a to rumela Mosi ni Aroni, i ku vona va nga humisa vatate vanu Egipta ve ta va veka ka wukhalo wuwa.

1 Samuwele 12:8 Referans Kwoze

Mithumo 7:15

Se Jakobe a to kwitima eya Egipta, eya fela kona, ene ni vatate vathu.

Masalmo 105:44

Txi va ningile ditiko di i nga ti da vamwani vathu ve dya mitxelo ya kudimwa ngu vamatiko,

1 Samuwele 12:6

Sekoko Samuwele a to khene ka vathu: Mkoma ngene a nga sawula Mosi ni Aroni e humisa vatate vanu ditikoni ka Egipta.

1 Samuwele 10:18

a txi khene ka vanana va ka Israyeli: Mkoma Txizimu txa ka Israyeli a ti khene: “Ani ni humisile Israyeli ditikoni da Egipta, ni mi hulukisa manzani ka Vaegipta ni manzani ka yotshe mifumo yile yi nga ti ti mi xanisa.”

Joxuwa 1:6

U fanete kuva ni mtamo, u txi tsanisa mbilu, nguko ngawe u no abanisela ditiko ka vathu vava, adi ni nga xambanya ka vatate vawe, ti to ni na va ninga.

Mitengo 20:15

Vatate vathu i ti valuveli kona Egipta, na athu hi di zumbile malembe o tala Egipta; va to hi xanisa athu ni vatate vathu.

Eksodha 12:51

Ka ditshiku donedo Mkoma a humisile vanana va ka Israyeli ditikoni ka Egipta, ngu mthetho wa mabutho awe.

Eksodha 6:26

Aroni ni Mosi, ngu vale Txizimu txi nga womba kwawe txi txi kha txona: Humisani vanana va ka Israyeli ditikoni ka Egipta, ngu mabutho awe a tiyimbi.

Joxuwa 21:43

Ti di ngeto, Mkoma a ningete ka vanana va ka Israyeli ditiko dotshe dile a nga thembisa ngu kuxambanya, ti to a na di ningela ka vatate vawe. Va to di amukela ve zumba ka dona.