1 Samuwele 12:5 - Bhiblia Yo Sawuleka

⁵ Se Samuwele a to khene kwawe: Mkoma i fakazi yangu masoni kwanu, kumweko ni wule a nga totwa i fakazi nyamsi, ya ti taku, kha kwa maneka txilo manzani kwangu. Se vathu va to kha vona: A nave fakazi.

1 Samuwele 12:5 Referans Kwoze

Eksodha 22:4

Ngako a txi manwa naso manzani sile a nga pa, hambi i di homu mwendo mbongola, mwendo kambe i nvuta, a na diha kambidi.

Mithumo 24:20

Ni vona vava va ku kona hawa, va na wombe txihoxo txi va nga txi wona, mbimo yi ni nga ya emiswa hagari ka dibanza,

Mithumo 23:9

Se ku to vangwa diguwa da hombe; vabhali vokari va mtxawa wa Vafarisi va to ema ve kaneta ngu mtamo, va txi kha vona: “Kha hi mani mnandu ni wawumwewo ka m'thu wuwa; se i di moya wu nga womba-womba nayo ko? Mwendo kambe ngelozi ko?”

2 Vakorinto 1:12

Nguko wudhumo wathu ngu wuwa: Wufakazi wa livhalo lathu waku, hi hanyile hagari ka vathu, ngu ditshuri ni kuthembeka ka Txizimu, na i si nga ngu wutxhari wa vathu, aniko ngu makatekwa a Txizimu, hi hanyile ha mafuni ngutu-ngutu kumweko ni nanu.

1 Vakorinto 4:4

Mbiluni kwangu kha ni ti pfi mnandu wa txilo; aniko, hambi keto, kha ni wombi ti to ni mlulami: Awu a sikotako ku ni lamula ngu Mkoma.

Mithumo 24:16

Ngu konaho, yotshe mbimo ni khutalako kutsimbila ngu nzila yo lulama masoni ka Txizimu ni ka vathu.”

Johani 18:38

Se Pilato a to khene: “Njitxani ditshuri kani?” Se a di wombile tiya, a to huma kambe e tsula ka Vajudha, a txi ya khene kwawe: “Ani kha ni mani mnandu ni wawumwewo ka m'thu wuwa.

Masalmo 17:3

U xote mbilu yangu; u ni endete ni wusiku; u ni xolisisile, aniko khwa mana to biha; ni to pimisa ku khani, txisofu txangu kha txi na mbi tsulupeta.

Jobe 42:7

Ti mahekile koko taku, na Mkoma a di hetile kuwomba mapswi ale ka Jobe, Mkoma a to khene ka Elifazi, wa Temani: Kuhenya kwangu kuturile, ku txi kuwukela, ni kuwukela vangana vako vavambidi; nguko khwa womba ditshuri ngu ngani, kufana ni txithumi txangu Jobe.

1 Samuwele 26:9

Se Dhavhidha a to khene ka Abhixayi: U nga mmahe txilo; nguko i mani a nga guletako diwoko dakwe ka msawuleki wa Mkoma asi mani mnandu kani?

1 Samuwele 12:4

Sekoko va to kha vona: Khu ya hi dyelela ngu txilo, kambe khu ya hi xanisa, hambi kuteka tximaha txokari txa manzani ka m'thu.

Genesisi 31:50

“Ngako u txi xupha vanana vangu, kambe ngako u txi teka vamwani vasikati, hahanze ka vanana vangu, hambiko ku si nga ni m'thu hagari kwathu, ti zive ti to Txizimu i fakazi hagari kwangu ni nawe.”

Jobe 16:19

Sekoko konkuwa, yiho fakazi yangu nzumani, ni muemeli wangu txitimwi.