1 Samuwele 12:3 - Bhiblia Yo Sawuleka

³ Ngani wuwa hawa, ni fakazeleni masoni ka Mkoma ni masoni ka wule a nga totwa wa Mkoma: I mani ni nga mtekela homu kani? I mani ni nga mtekela mbongola kani? I mani ni nga mdyelela kani? I mani ni nga mxanisa mwendo kuamukela siningo ngu kwakwe so ni vhala maso angu kani? Se ni na mtshumetela.

1 Samuwele 12:3 Referans Kwoze

Mithumo 20:33

Kha na navela male ya silivhela mwendo ya nzalama, hambi syambalo sa m'thu;

Mitengo 16:15

Sekoko Mosi a to henya ngutu, e gela Mkoma ku khene: Ava vathu, u nga amukele miningelo yawe! Ani lambi kha na nga teka ni mbongola yimweyo kwawe; lambi ni kudyelela ni wammweyo wawe.

1 Pedro 5:2

Dyisani mtxhambi wa Txizimu, awu mi nga vekelwa, mi txi wu xayisa, i si nga ngu kukurumetwa, aniko, ti maheni ngu kuranda ka mbilu, i si nga ngu moya wa nzambwa ya kulava dibhindu; ti maheni ngu kutiningetetela ka mbilu;

1 Samuwele 24:6

se a to khene ka vathu vakwe: Mkoma a na ni xayise ku ni si maheli nyamne wangu mhaka yiya, ka wule a nga totwa wa Mkoma, ngu kuguleta dianza dangu ni mwukela, nguko mbwo totwa wa Mkoma.

Dhewuteronome 16:19

U nga bihise mhaka, u nga ve ni txisawulela hagari ka vathu, kambe u nga tumele kuxavelelwa, nguko kuxavelela ka vhala maso a m'thu wo ziva, kambe ka jikisa mhaka ya vale i ku vo lulama.

1 Vatesalonika 2:10

Anu mi tifakazi tathu, ni Txizimu ni txona, ka ti to mahanyelo athu ni nanu mi kholwako i ti mahanyelo o sawuleka, o lulama, ni o mbina txisolo.

1 Samuwele 12:5

Se Samuwele a to khene kwawe: Mkoma i fakazi yangu masoni kwanu, kumweko ni wule a nga totwa i fakazi nyamsi, ya ti taku, kha kwa maneka txilo manzani kwangu. Se vathu va to kha vona: A nave fakazi.

1 Samuwele 10:1

Sekoko Samuwele a to teka txingotwana txa mafura, e ma thela ha msungo ka Sawule, se e mnyuta, a txi khene: Ina Mkoma kha kutota mafura, kuva mthangeli txitimwi ka thomba yakwe kani?

Eksodha 23:8

Kambe u nga amukele txiningo, nguko txiningo txa vhala maso avale va wonako, kambe txa jikisa timhaka ta vale va nga lulama ha banza.

1 Vatesalonika 2:5

Ngu toneto, anu ma tiziva ti to kha hi zivi kuthumisa mapswi o kanganyisa, mwendo mapswi o dyelela. Txizimu i fakazi yathu.

Eksodha 20:17

U nga navele nyumba ya mwakelani wako; u nga navele msikati wa mwakelani wako, ni txithumi txakwe txa wamwamna mwendo txa wamsikati, ni homu yakwe, ni mbongola yakwe, hambi ni tximwani tximaha txa mwakelani wako.”

Luka 19:8

Zakewu ene, a di emile, a ti khene ka Mkoma: “Mkoma, ni lava kuninga sisiwana hafu ya yotshe thomba yangu, se ngako a diho awu ni nga mu dyelela, ni na mu tshumetela sile ni nga mu pela, si di engetetwe ka mune.”

Matewu 22:21

Se vona va ti kha vona: “Nza Khezari.” Sekoko Jesu a to va xamula a txi khene: “Ningelani ka Khezari asi i ku sa Khezari, ni ka Txizimu asi i ku sa Txizimu.”

Levhi 6:4

ti na maheka koko taku, ngako a di onhile e maneka a di ni mnandu, e tshumeta sile a nga pa, mwendo sile a nga lamba naso, ngu kutitsimba, mwendo sile a nga ti ti ningilwe ku si xayisa, mwendo sile so mwalala a nga si rola,

Eksodha 22:4

Ngako a txi manwa naso manzani sile a nga pa, hambi i di homu mwendo mbongola, mwendo kambe i nvuta, a na diha kambidi.

2 Vakorinto 12:14

Konkuwa, ni ti emisete kutshumela ni ta kheyo da wuraru, kambe kha ni na mbi ta mi nemeta: Nguko, ani kha ni lavi sanu, aniko, ni lava anu mipune. Hi nga vanana ava va fanelako kusengeleta thomba yo siyela vatate vawe, aniko vatate ngu vona va fanelako kusengeleta thomba yo siyela vanana.

1 Samuwele 2:35

Se ani ni na ti emisela mphaxeli wo thembeka, awu a no maha madingano ni kulava ka mbilu yangu ni muhefemulo wangu, kambe ani ni na muakela nyumba yo tsana, aniko a na tsimbila masoni ka msawuleki wangu kala kupinduka.

1 Samuwele 12:4

Sekoko va to kha vona: Khu ya hi dyelela ngu txilo, kambe khu ya hi xanisa, hambi kuteka tximaha txokari txa manzani ka m'thu.

Mavingu 15:27

Wule a ku ni wunavenave, a xanisa m'ti wakwe, aniko awule a nyenyako kupfhuhwa, a na hanya kha kwati.

Levhi 6:5

mwendo ngu sotshe sile a nga xambanya ngu makuhu; se a na si tshumeta sotshe, e sanzekela ngu mpimwanyana wa wutxhanu; ngu ditshiku da mningelo wa kudivalelwa ka mnandu wakwe, a na si ningela ka nyamne wa sona.

1 Samuwele 24:7

Se ngu mapswi awa, Dhavhidha a to layetela vathu vakwe, asi va tumeleli kuve wukela Sawule; kambe Sawule a to huma ngu diphalani e simama ni nzila yakwe.

1 Samuwele 24:11

Wona koko, tata wangu, wona diye tshoka ya txyambalo txako manzani kwangu; nguko ani ni to wila tshoka ya txyambalo, kambe kha na kudaya. Wona koko, u tiziva ti to kha ku na wulala ni wubihi manzani kwangu, ni ti to ani kha na kuonhela; kambe awe wu lavetela kuthavisa wutomi wangu.

1 Samuwele 26:9

Se Dhavhidha a to khene ka Abhixayi: U nga mmahe txilo; nguko i mani a nga guletako diwoko dakwe ka msawuleki wa Mkoma asi mani mnandu kani?

1 Samuwele 26:11

Mkoma a na ni xayise ku ni si guleti diwoko dangu ni daya wule a nga totwa wa Mkoma, kambe konkuwa, teka mseve wu wu ku misungoni kwakwe ni ngoto ya mati hi tsula.

2 Samuwele 22:22

Nguko ni xayisile tinzila ta Mkoma, kambe kha na hambuka ka Txizimu txangu.

Nehemiya 5:11

Na mi kombela, va tshumeteleni nyamsi tithembwe tawe, mivhinya yawe, miolivha yawe ni tinyumba tawe, ni male ya mpimo wa dizana, ni fulaho, ni dosi, ni mtona, asile anu mi va vilako.

Masalmo 15:5

awule a txenekisako male yakwe asi lavi dibhindu, hambi awule asi tumeliko kuxavelelwa kasi kuninga mnandu m'thu wo mbi na txionho. Awule a mahako tona eto kha na mbi va ni kurereka.