1 Samuwele 11:6 - Bhiblia Yo Sawuleka

⁶ Sekoko mbimo yile Sawule a nga pfa timhaka eto, Moya wa Txizimu wu to wulela kwakwe, se kuhenya kwakwe ku to tura ngutu.

1 Samuwele 11:6 Referans Kwoze

1 Samuwele 10:10

Se mbimo yile va nga hoka mmangoni, mtxawa wa vaprofeti wu to huma u va hingeta; aniko Moya wa Txizimu wu to wulela kwakwe, se e profeta hagari kwawe.

1 Samuwele 16:13

Sekoko Samuwele a to teka litxheho la mafura, e mu tota hagari ka vanawe; se kukhukhela ka donedo ditshiku ni kuya masoni, Moya wa Mkoma wu to wulela ka Dhavhidha. Sekoko Samuwele a to khukha e tshumela e tsula Rama.

Valamuli 6:34

Sekoko Moya wa Mkoma, wu to ta ka Gidhiyoni; ene a to veta mpundu, a txi ramba va ka Abhiyezeri kasi kuve tshangana kwakwe.

Valamuli 14:6

Sekoko Moya wa Mkoma wu to wulela ngu mtamo, a txi txi bhanda kukhukhela txitimwi kala hahatshi, ku nga o bhanda phongo, na asi nga ni txilo manzani kwakwe; aniko kha womba txilo ka tate wakwe ni ka mame wakwe, ngu tile a nga ti ti mahile.

Valamuli 13:25

Se Moya wa Mkoma wu to khata ku muhumela a di digoveloni ka Dhani, hagari ka Zora ni Exitawoli.

Valamuli 3:10

Se Moya wa Mkoma wu to ta txitimwi kwakwe, se a to maha mlamuli wa Israyeli, a txi huma eya yimbini; se Mkoma a to ningela Kuzani-Rezatayimi, mfumeli wa Siriya, manzani kwakwe; se dianza dakwe di to simama di wukela Kuzani-Rezatayimi.

Valamuli 11:29

Sekoko konako Moya wa Txizimu, wu to khandama ka Jefta, se Jefta a to tshawunyeta ditiko da Gileyadhi ni da Manasi, a txi pinda ngu Misipa wa Gileyadhi a txi ya ditikoni ka va ka Amoni.

Vaefesu 4:26

Ngako mi txi henya, mi nga onheni; ditambo di nga swe mi di ngadi henyile.

Marku 3:5

Ene a to rumaruma ngu maso, ngu kuhenya na a di pandisekile ngu mhaka ya kubanga ka timbilu tawe, se a txi gela m'thu wule a txi khene: “Nawuluta dianza dako.” Ene a to di nawuluta, se dianza dakwe di hanya.

Mitengo 12:3

Se Masoni ka Mkoma kuwonekile ti to Mosi i ti m'thu wo dikha ngutu kupinda votshe vathu ha mafuni.

Eksodha 32:19

Mbimo yi a nga va a di hokile ha wugoveloni, a txi wona dirole ni kusinya ka vathu, Mosi a to tala ngu txiviti, a to tshotsha sileti si si nga ti manzani kwakwe a txi si faya hafuhi ka mmango.

Valamuli 15:14

Se ngako a di hokile Leki, Vafilista va to m'hingeta, va txi giya ngu litsako; aniko Moya wa Mkoma wu to ta kwakwe ngu mtamo, se majoke ale va nga ti msungile ngu ona mawoko, ma to nyivilika nga tihinza ta linyu ti nga hiswa, se ni sifundo sa majoke si to thukunyuka mawokoni kwakwe, si txi wa.

1 Samuwele 16:14

Se Moya wa Mkoma wu to khukha ka Sawule e sala a txi xaniswa ngu moya wo biha, wutako ngu ka Mkoma.

1 Samuwele 10:6

Se Moya wa Mkoma wu na wulela kwako, kambe u na profeta kumweko navo, u hunduka u va mmwani m'thu.