1 Samuwele 11:4 - Bhiblia Yo Sawuleka

⁴ Se mbimo yile mitumi yi nga hoka Gibheya ka Sawule, yi to gela vathu mapswi awa. Sekoko vathu votshe va to kwangula, ve dila.

1 Samuwele 11:4 Referans Kwoze

1 Samuwele 10:26

Sawule nene a to tsula m'tini kwakwe, kona Gibheya; se ka dibutho a to tsula ni vale Txizimu txi nga gwesa timbilu tawe.

Valamuli 2:4

Se ku to maheka taku yi txi ngadi yi womba-womba mapswi awa Ngelozi ya Mkoma, ka votshe vanana va ka Israyeli, vathu va to guleta mapswi awe ve dila.

1 Samuwele 30:4

Sekoko Dhavhidha ni vathu vale a nga ti navo va to pekeletela tihuwa ve dila, kala kuza ve guma mtamo wo dila.

1 Samuwele 15:34

Sekoko Samuwele a to tsula Rama; kambe Sawule a to kwelela eya m'tini kwakwe, kona Gibheya ka Sawule.

Valamuli 21:2

Va to ta koko vathu kona Bheteli, va ti ta zumba masoni ka Txizimu, kala ni minova; se va to pekeletela tihuwa, va txi dila ngu txiviti txa hombe.

Vahebheru 13:3

Alakanyani ava va nga khotelwa, mi txi nga mo va ku khotelwani kumweko navo. Alakanyani avale va xaniswako, nguko na nanu mina ni mmidi.

Vagalatiya 6:2

Vhunanani kurwala mirwalo yanu, kasiku mi na sikota kuveketa Mlayo wa Kristu.

1 Vakorinto 12:26

Ngako txihango txokari txi txi xaniseka, simwani sa abana kuxanisekako natxo; ngako txihango txokari txi txi dhumiswa, sotshe sihango sa tsaka kumweko natxo.

Varoma 12:15

Tsakani ni va va tsakako, mi txi dila ni va va dilako

2 Samuwele 21:6

ka vanana vakwe hi ninge mtxhanu wa vavamna ni vambidi, kasiku hi va txikita masoni ka Mkoma, kona Gibheya ka Sawule, wule a nga sawulwa ngu Mkoma. Se mfumeli a to khene: Ni na mi ningeta.

1 Samuwele 14:2

Se Sawule a ti ti mhinganoni ka Gibheya, hahatshi ka mndonga wa mromani wu nga ti ti Migroni; se vathu vale a nga ti navo i ti vo dingana 600 wa vavamna.

Genesisi 27:38

Esawu a to khene ka tate wakwe: “Ina njikatekiso tximwetxo dwe u ku natxo, kani tata? Tata, ni katekise nani!” Esawu a to peka huwa, a txi dila.

Valamuli 20:23

Se vanana va ka Israyeli va to kwelela, va txi ya dila masoni ka Mkoma kala ni minova, va txi wotisa ka Mkoma, va txi kha vona: “Ina hi nga tshumela kambe hi yalwa ni vanana va ka Bhenjamini, vona va i ku vanathu kani?” Se Mkoma a to kha ene: “Tsulani mi txi yalwa navo!”

Valamuli 20:26

Sekoko votshe vanana va ka Israyeli, ni votshe vathu, va to kwelela va txi ya Bheteli, veya dila masoni ka Mkoma, se va to ti tona ka dotshe ditshiku dile kala minova; kambe va to ningela miphaxo yo hiswa, ni miningelo ya kudikha, masoni ka Mkoma.

1 Makronika 12:3

Ayiyezeri, mthangeli, ni Jowa, vanana va Semaha, Mugibheya; Jeziyeli ni Peleti, vanana va Azimavhati; ni Bheraka, ni Jewu, Muanatoti;