Biblia Todo Logo
Bib sou entènèt

- Piblisite -




1 Samuwele 11:1 - Bhiblia Yo Sawuleka

1 Sekoko Nahasi Muamoni a to kwelela, eya randela didhoropa da Jabhesi-Giliyadhi, se vathu votshe va Jabhesi va to gela Nahasi, va txi kha vona: “Maha txitumelelano ni nathu, aniko athu hi na kuthumela.”

Gade chapit la Kopi




1 Samuwele 11:1
23 Referans Kwoze  

Se mbimo yile mi nga wona ti to Nahasi, mfumeli wa vanana va ka Amoni, wata ku ta mi wukela, mi ti khanu kwangu: Ahim-him, aniko mfumeli a na fuma txitimwi kwathu; i ku ene koko, Mkoma, Txizimu txanu, Mfumeli wanu.


se a to teka mmweyo wa liveleko la wukoma, e maha txitumelelano nayo; a to mxambanyisa, e teka ni vathangeli va hombe va mafu ditiko,


Se Bheni-Hadhadhe a to khene: Madhoropa ale ma nga honyolwa ngu tate wangu ka tate wako ni na kutshumetela, ti longisele sitarato so khukhela Dhamasku, ku nga tile a nga mahisa tona tate wangu ditikoni ka Samariya. Se ani kha Akabe, ni na kuleka u tsula ni txitumelelano txiya. A to maha nayo txitumelelano e mleka e tsula.


Se va to kha vona: “Ina waho hagari ka tihunzu ta va ka Israyeli, awu a nga mbi kwela a txi ya ka Mkoma, kona Misipa kani?” Se wona taku ni wammweyo wa lihunzu la Jabhesi-Gileyadhi kha ta wugoveloni ka msengeletano.


Vona va to xamula, va txi kha vona: “Ha ti wona ngu ditshuri ti to Mkoma Txizimu, a ni nawe, se hi khathu: Ta laveka ti to athu ni nawe hi txi xambanyelana, hi txi maha txitumelelano hagari kwathu.


Ina ngwenya yi nga maha txitumelelano ni nawe, mwendo awe u na yi maha khumbi do gwita kani?


U nga mahe txitumelelano navo, ni sizimu sawe.


Mi nga mu engiseni Ezekhiya, nguko mfumeli wa Asiriya a khene: Humani mi ta ti ningela kwangu; se mmweyo ni mmweyo a nadye mihando ya muuvha wakwe, ni mihando ya mkuwu wakwe, kambe mmwani ni mmwani a na sele mati a txisimani kwakwe,


Se txiviti txa Mkoma txi to tura txi wukela Vaisrayeli, kambe a to va ningela manzani ka Vafilista, ni manzani ka vanana va ka Amoni.


Ni wammweyo wa ka Amoni mwendo wa ka Mowabhi kha na mbi wulela msengeletanoni ka Mkoma; hambi lihunzu lakwe la wugumi, kha li na mbi wulela msengeletanoni ka Mkoma, ngu ha ku si gwitiko.


Sekoko Sawule a to fuma txitimwi ka Israyeli e lwa ni votshe valala vakwe, vale va nga ti mrandete, i ku vava: Mowabhi, ni vanana va Amoni, ni Edhomi, ni vafumeli va Zobha, ni Vafilista; kotshe amu a nga ti tiya, a ti ko xula.


Se ku to maheka taku, msana keto, mfumeli wa vanana va Amoni a to fa, Hanumi mwanana wakwe e fuma ka wukhalo wakwe.


Sekoko Dhavhidha a to khene: Ni na maha wumbilu ka Hanumi, mwana Nahasi, nga kule tate wakwe a nga ni mahela wumbilu. Se Dhavhidha a to rumela sithumi sakwe kuya thavelela Hanumi, ngu mhaka ya kufelwa ngu tate wakwe; se sithumi sa Dhavhidha si to ta ditikoni ka vanana va Amoni.


Se ku to maheka taku, mbimo yile Dhavhidha a nga hoka Mahanayime, Sobhi, mwana Nahasi, wa Rabha, wa vanana va ka Amoni, ni Makiri, mwana Amiyeli, wa Lo-Dhebhari, ni Bharizilayi, mugileyadhi, wa Rogelini,


Ngu nzila yo nga yoneyo, mbimo yi votshe Vajudha vale va nga ti Mowabhi, hagari ka vanana va Amoni, ni Edhomi, ni votshe vale va nga ti ti ka otshe matiko ale, va nga pfa to kha vona mfumeli wa Bhabhilona a ti ti lekile vamwani kona Judha, niku a ti ti va vekete Gedhaliya, mwana Ahikamu, mwana Xafani.


Se va to kha vona: “Ina wa tiziva kha kwati taku Bhahalisi, mfumeli wa vanana va Amoni, a rumile Ismayeli, mwana Netaniya, kasi ku ta ku daya kani?” Aniko Gedhaliya, mwana Ahikamu, kha va tumela.


Se ku to maheka taku, msana ka masiku okari, vanana va ka Amoni va to xoma, va txi yalwa ni va ka Israyeli.


Sekoko Dhavhidha a to rumela mitumi ka vavamna va Jebhesi-Gileyadhi, a txi khene kwawe: Manani kukateka anu ngu ka Mkoma, nguko mi mahile wunene wo nga tiya ka nyamne wanu, ka Sawule, kambe mi mtshotshile!


Va di ti pfite koko, votshe va didhoropa da Jabhesi-Gileyadhi, totshe tile Vafilista va nga maha ka Sawule,


votshe vavamna va mtamo va to khukha, ve teka txirumbi txa Sawule ni sa vanana vakwe, ve tsula naso Jabhesi; kambe va to teka marambu a kona ve ma kelela hahatshi ka mkusu, kona Jebhesi, ve ti tona sakudya, mtxhanu wa masiku ni mambidi.


Swiv nou:

Piblisite


Piblisite