1 Samuwele 10:5 - Bhiblia Yo Sawuleka

⁵ Sekoko u naya mmangoni ka Txizimu, ahale ku ku ni vawoneleli va Vafilista; se ku na maheka taku, mbimo yi u no wulela didhoropani, u na mana mtxawa wa vaprofeti va txi relela ngu ka wukhalo wo guleka va di ni timbila, ni tingoma, ni misengele, ni maharipa; se va na profeta.

1 Samuwele 10:5 Referans Kwoze

2 Vafumeli 3:15

Inaka, hi nga ni tiselani m'veti wa ngoma. Ku to maheka a ti to mbimo yile muembeleli a nga txi veta txitende, kutile kwakwe dianza da Mkoma.

1 Samuwele 19:20

Sekoko Sawule a to rumela mitumi yo londeta Dhavhidha, avale va nga wona mtxawa wa vaprofeti va txi profeta, eho a nga ti kona Samuwele a txi vathangela; se Moya wa Txizimu wu tota txitimwi ka mitumi ya Sawule, ni vona va to profeta.

1 Samuwele 13:3

Se Jonatani a to xasela vawoneleli va Vafilista vale va nga ti ti Gibheya, eto Vafilista va nga tiziva; ngu kumaha keto, Sawule a to veta mpundu ka dotshe ditiko, a txi khene: Engisani anu Vahebheru.

2 Vafumeli 2:15

Mbimo yile va nga mu wona vanana va vaprofeti, na va di rendekelani ni Jeriko, va to kha vona: Moya wa Elija wu khandamile ka Elixa. Se va to mu hingeta ve ta mu khizamela.

2 Vafumeli 2:5

Sekoko vanana va vaprofeti va nga txi maneka Jeriko, va to tshuketela ka Elixa, va txi ya kha vona: Wa tiziva to nyamsi Mkoma a teka mthangeli wako ngu txitimwi ka msungo wako kani? Hambi ani na tiziva kha kwati eto; anu malalani.

2 Vafumeli 2:3

Sekoko vanana va vaprofeti va nga txi maneka Bheteli, va to huma veya ka Elixa va txi ya kha vona: Wa tiziva to nyamsi Mkoma a teka mthangeli wako ngu txitimwi ka msungo wako kani? Elixa a to khene hambi ani na tiziva kha kwati eto; anu malalani.

1 Samuwele 10:10

Se mbimo yile va nga hoka mmangoni, mtxawa wa vaprofeti wu to huma u va hingeta; aniko Moya wa Txizimu wu to wulela kwakwe, se e profeta hagari kwawe.

1 Vakorinto 14:1

Khutalelani lirando, mi txi navela kumana sihiwa sa Moya, ngutu-ngutu txihiwa txa kuwomba dipswi.

Masalmo 49:4

Ni na engisisa tigondo ta wuzivi ni na txhamusela wuzivi wuwa ngu kuveta ka txitende.

1 Makronika 16:42

Sekoko Hemani ni Jedhutumi, i ti vaveti va mipundu ni titshodi ta vaembeleli, ni sivetaveta sa m'zeno wa Txizimu; aniko vanana va Jedhutumi, i ti vawoneleli va txike.

1 Makronika 16:5

Mthangeli wa kona i ti Asafe, kulondeta Zakariya, se ngu msana ku to gameta Jeyeli ni Semiramoti, ni Jeyeli, ni Matitiya, ni Eliyabhe, ni Bhenaya, ni Obhedhi-Edhomi, ni Jeyeli, va di ni sitende ni timbila; se Asafe a ti veka titshodi.

1 Makronika 13:8

Dhavhidha ni votshe va ka Israyeli va to tsaka masoni ka Txizimu, ngu wotshe mtamo wawe; na va txi embelela, va txi veta tiharipa ni timbila, ni singomana ni titshodi ni mipundu.

2 Vafumeli 6:1

Se vanana vavaprofeti va to kha vona ka Elizewu: Wona ti taku wukhalo wu hi zumbako ka wona kumweko ni nawe mbudotho ngutu.

2 Vafumeli 4:38

Se Elixa a to tshumela eya Giligali, na ku di ni nzala kheyo; se vanana vavaprofeti va ti khalahatshile masoni kwakwe; a to khene ka dijaha dakwe: Releka khadi ya hombe ha txikho, u va bhikela matawa vanana vavaprofeti.

1 Samuwele 9:12

Se mahorana ma to xamula ma txi kha ona: Ina, ndiyo hawa masoni kwako; Kuluveta koko, nguko nyamsi a tile didhoropani muwa, nguko vathu nyamsi va maha mhamba ka wukhalo wo guleka.

1 Samuwele 10:4

Se va na kulosa, ve kuninga mapawu mambidi, u no ma amukela manzani kwako.

1 Samuwele 13:2

Sekoko Sawule a to ti sawulela 3.000 wa vavamna va ka Israyeli; se 2.000 wawe a ti ti navo kona Mikimaxi ni mmangoni ka Bheteli, se 1.000 wa vona va ti ti ni Jonata kona Gibheya ka Bhenjamini; kambe votshe vathu vale va nga sala a to va tshumeta, mmweyo ni mmweyo eya m'tini kwakwe.

1 Makronika 11:16

Sekoko ka mbimo yoneyo Dhavhidha a ti ti mkhokholani, dizumbo da Vafilista di ti ti Bhetlehema.

Masalmo 92:3

ngu kuveta mbila ya digumi da makhokhoma ni haripa, ni kuembelela ngu txitende.

1 Vafumeli 18:29

Se ku to maheka a ti to ku di pindile hagari ka mitshikari, va to profeta, kala kuza mphaxo wa sakudya wu txi ningelwa; hambiketo kha ka pfala dipswi hambi xamulo, ni kwa mbi khatala ngu txilo.

2 Vafumeli 2:7

Se mtxhanu wa magumi a vavamna, i ku vanana va vaprofeti, va to ema ngu masoni: Se vona ngu wumbidi wawe va to ema Jordhani.