1 Samuwele 10:2 - Bhiblia Yo Sawuleka

² Nyamsi mbimo yi hi no hambana, u na mana vavamna vambidi hafuhi ni dithitha da Rakeli, ngu mhinganoni ka Bhenjamini, kona Zeliza; avale va no kha vona kwako: Timbongola tile u nga tsimbila u ti lava, ti manekile, wona taku tate wako a lekile kuvilela timbongola aniko a vilela anu, a txi khene: “Ni na maha txani ngu mwanana wangu kani?”

1 Samuwele 10:2 Referans Kwoze

1 Samuwele 10:16

Se Sawule a to khene ka tatanyani wakwe: A to hi gela ditshuri do timbongola ti manekile. Kambe timhaka ta wukoma tile Samuwele a nga ti womba, kha m'gela.

Joxuwa 18:28

Sela, Elefi ni Gebhusi, (e ku Jerusalema), i Gibheya ni Kiriyati: Digumi da madhoropa ni mune, ni miti ya kona; ayiya i thomba ya vanana va ka Bhenjamini, madingano ni mtengo wa timwaya ta kona.

Jeremiya 31:15

Mkoma a khene: Huwa ya pfala aniya Rama, ya xomulo ni kudila ka txiviti, i Rakeli a dilelako vanana vakwe wa lamba kuthavelelwa nguko vanana kha va nga ngadi ho.

Genesisi 35:16

Vona va to khukha Bheteli. Se ku di sate mnava wa wudotho, kasi kuhoka Efrata, Rakeli a to hefemula kambe, aniko kulumwa kwakwe ku mpandisile ngutu.

Genesisi 48:7

Mbimo yi ni nga txi wuya ngu Padhani-Aramu, mame wako Rakeli a to fa hi di ngadi hagari ka nzila, ditikoni ka Kanana, hafuhi ni Efrata; se ani ni to m'kelela koneyo, nzilani ka kuya Efrata, i ku Bhetlehema.