1 Samuwele 10:12 - Bhiblia Yo Sawuleka

¹² Sekoko mmweyo ka vavamna va wukhalo wule a to xamula, a txi khene: I mani koko, tate wawe kani? Ngu kumha keto, mhaka yiya yi to hunduluka yi maha divingu daku: Sawule nene aho hagari ka vaprofeti kani?

1 Samuwele 10:12 Referans Kwoze

Johani 6:45

Ti bhatwe ka mabhuku a vaprofeti, va txi kha vona: Votshe va na gondiswa ngu Txizimu. Wuhi ni wuhi a nga engisa Tate, a txi amukela sileleto sakwe, wata kwangu.

Isaya 54:13

Se votshe vanana vako va na maha vagondiswa va Mkoma; ni kudikha ka vanana vako ku na maha ko enela.

Jakobe 1:17

Sotshe sihiwa sa lisima, sotshe siningo sa kuhetiseka, si ta ngu txitimwi, si txi txhika ngu ka Tate wa liwoningo, awu a ku si nga ni kutxitxa, awu kuwoninga kwakwe ku ku si nga ni kutxitxa ku txi maha txidema.

Johani 7:16

Jesu a to va xamula a txi khene: “Gondo yangu hi nga yangu, aniko nja wule a nga ni ruma.

1 Samuwele 10:13

Se a di hetile kuprofeta a toya ka wukhalo wo guleka.

1 Samuwele 19:23

Sekoko a to tsula Nayote, kona Rama; se Moya wa Txizimu wu to wulela kwakwe, se e tsimbila a txi profeta kala kuza e hoka Nayote, kona Rama.

1 Samuwele 19:24

Se a to thavisa syambalo sakwe, e profeta nene masoni ka Samuwele, a to zumba ditshiku dotshe ni wusiku wotshe i di tximbwiri; nga ha ku wombwako tito: Sawule nene i mmweyo wa vaprofeti kani?