1 Samuwele 10:10 - Bhiblia Yo Sawuleka

¹⁰ Se mbimo yile va nga hoka mmangoni, mtxawa wa vaprofeti wu to huma u va hingeta; aniko Moya wa Txizimu wu to wulela kwakwe, se e profeta hagari kwawe.

1 Samuwele 10:10 Referans Kwoze

1 Samuwele 2:35

Se ani ni na ti emisela mphaxeli wo thembeka, awu a no maha madingano ni kulava ka mbilu yangu ni muhefemulo wangu, kambe ani ni na muakela nyumba yo tsana, aniko a na tsimbila masoni ka msawuleki wangu kala kupinduka.

1 Samuwele 11:6

Sekoko mbimo yile Sawule a nga pfa timhaka eto, Moya wa Txizimu wu to wulela kwakwe, se kuhenya kwakwe ku to tura ngutu.

Valamuli 3:10

Se Moya wa Mkoma wu to ta txitimwi kwakwe, se a to maha mlamuli wa Israyeli, a txi huma eya yimbini; se Mkoma a to ningela Kuzani-Rezatayimi, mfumeli wa Siriya, manzani kwakwe; se dianza dakwe di to simama di wukela Kuzani-Rezatayimi.

Valamuli 15:14

Se ngako a di hokile Leki, Vafilista va to m'hingeta, va txi giya ngu litsako; aniko Moya wa Mkoma wu to ta kwakwe ngu mtamo, se majoke ale va nga ti msungile ngu ona mawoko, ma to nyivilika nga tihinza ta linyu ti nga hiswa, se ni sifundo sa majoke si to thukunyuka mawokoni kwakwe, si txi wa.

1 Samuwele 16:13

Sekoko Samuwele a to teka litxheho la mafura, e mu tota hagari ka vanawe; se kukhukhela ka donedo ditshiku ni kuya masoni, Moya wa Mkoma wu to wulela ka Dhavhidha. Sekoko Samuwele a to khukha e tshumela e tsula Rama.