1 Samuwele 10:1 - Bhiblia Yo Sawuleka

¹ Sekoko Samuwele a to teka txingotwana txa mafura, e ma thela ha msungo ka Sawule, se e mnyuta, a txi khene: Ina Mkoma kha kutota mafura, kuva mthangeli txitimwi ka thomba yakwe kani?

1 Samuwele 10:1 Referans Kwoze

1 Samuwele 16:13

Sekoko Samuwele a to teka litxheho la mafura, e mu tota hagari ka vanawe; se kukhukhela ka donedo ditshiku ni kuya masoni, Moya wa Mkoma wu to wulela ka Dhavhidha. Sekoko Samuwele a to khukha e tshumela e tsula Rama.

Masalmo 78:71

a mthavisile ka mthumo wa kudyisa tinvuta, kasiku e maha m'dyisi wa liveleko la Jakobe, i ku vathu vakwe ni thomba yakwe.

1 Samuwele 9:16

Mangwana ngu yo yi mbimo na kurumela m'thu wa ditikoni ka Bhenjamini, awule u no mtota kuva mthangeli txitimwi ka vathu vangu va ka Israyeli, se ene a na txhatxhisa vathu vangu manzani ka Vafilista; nguko ni woni vathu vangu, ni kudila kwawe kuhokile kwangu.

Masalmo 2:12

Khizamani masoni kwakwe, kasiku asi henyi, na nanu mi si lovi mi di ngadi ha nzila, nguko kuhenya kwakwe ka kuluveta kutura. Va katekile avale va thembako Mkoma!

Mithumo 13:21

Msana keto, va to kombela mfumeli; se Txizimu txi va ninga Sawule, mwana Kixi, wa lihunzu la Bhenjamini, awu a nga fuma mune wa magumi a malembe.

1 Samuwele 26:11

Mkoma a na ni xayise ku ni si guleti diwoko dangu ni daya wule a nga totwa wa Mkoma, kambe konkuwa, teka mseve wu wu ku misungoni kwakwe ni ngoto ya mati hi tsula.

Dhewuteronome 32:9

Nguko txyavelo txa Mkoma ngu vathu vakwe; Jakobe njiavelo txa thomba yakwe.

2 Vafumeli 20:5

Tshumela u txi ya khawe ka Ezekhiya, mthangeli wa vathu vangu: Mkoma, Txizimu txa tate wako Dhavhidha, a womba tiya: Ni engisile mkombelo wako, ni woni mirongo yako; sekoko ni na kukalamukisa; ka ditshiku da wuraru, u na kwela Nyumbani ka Mkoma.

2 Vafumeli 9:1

Sekoko mprofeti Elixa a to dhana mmweyo ka vanana va vaprofeti e ta m'gela tiya: Sunga txiwunu txako, u teka ngoto yiya ya mafura ngu dianza dako, u tsula Ramoti-Gileyadhi.

Mtuletelo 5:8

Mbimo yi Txinvutana txi nga amukela dibhuku, sivanga so hanya sa mune ni madhota a magumi mambidi ni mune va to nama masoni ka Txinvutana, dimwedo ni dimwedo di di ni harpa ni siyana so mahwa ngu nzalama, si di tate ngu dibaselo, i ku mikombelo ya vasawuleki,

Vahebheru 2:10

Kha ditshuri, ti ni fanelo, ti to awule a lumbwako ngu sotshe, awu kambe i ku ene a nga si va nga, ngako a nga lava kuguleta vanana vavangi a txi va veka ka txikhunja txa wudhumo, e thanga ngu kusawulekisa Muhanyisi wa kona ngu wuhetiseki wa sixaniso.

1 Vatesalonika 5:26

Losani votshe vanathu ngu kupswopswana ko sawuleka.

Hoseya 13:2

Se konkuwa va engetete sionho, ngu silivhela yawe va mahile txifananiso txo tshulwa, i ku sithombe madingano ni wutxhari wawe, sotshe mithumo ya mtshuli, va ku kha vona ngu sona: Vathu vale vaphaxako va nyunta marole.

Jeremiya 10:16

Awu i ku txiningo txa ka Jakobe kha fanani naso; nguko ngene mmahi wa silo sotshe; Israyeli lixaka la thomba yakwe, ditina dakwe Mkoma wa Mabutho a Tiyimbi.

Masalmo 135:4

Mkoma a ti sawulete Jakobe ni va ka Israyeli kasiku ve maha thomba yakwe.

1 Vafumeli 19:18

Kambe ni mahile ti to kusala ka Israyeli 7.000, otshe mazolo ma nga mbi khizamela Bhahali, ni sotshe sisofu si si nga mbi mpswopswa.

2 Samuwele 19:39

Ngako koko, votshe vathu va di txhatukile Jordhani, se mfumeli nene a di txhatukile, mfumeli a to pswopswa Bharizilayi e mkatekisa; se ene e tshumela eya ka wukhalo wakwe.

2 Samuwele 5:2

Hambi ni kale, Sawule a txi fuma txitimwi kwathu, ngawe u nga ti ti huma ni kuwulela ni Israyeli; kambe Mkoma a ti khene kwako: Awe u na dyisa vathu vangu va ka Israyeli, ni ti to awe u na va mthangeli txitimwi ka Israyeli.

1 Samuwele 24:6

se a to khene ka vathu vakwe: Mkoma a na ni xayise ku ni si maheli nyamne wangu mhaka yiya, ka wule a nga totwa wa Mkoma, ngu kuguleta dianza dangu ni mwukela, nguko mbwo totwa wa Mkoma.

1 Samuwele 13:14

Kambe konkuwa mfumo wako kha wu na mbi ya masoni; Mkoma a ti lavete m'thu mmwani awu a tsakisako mbilu yakwe. Mkoma a m'vekile ku va mthangeli txitimwi ka vathu vakwe, nguko khwa xayisa a ti Mkoma a nga kuleleta.

1 Samuwele 8:19

Hambi keto, vathu kha va lava kuengisa dipswi da Samuwele; se va to kha vona: Ahim-him, kambe ku na ve ni mfumeli txitimwi kwathu.

1 Samuwele 8:9

Konkuwa, koko, engisa dipswi dawe, kambe gela vathu vava, ti to i nava txihi txihena txa mfumeli, wu a no fuma txitimwi kwawe.

1 Samuwele 2:10

A va valwako ni Mkoma va na phwaraselwa; a na va dhindela a di nzumani; Mkoma a na lamula magwito a mafu, ni kuninga mtamo ka mfumeli wa ona, kambe a na guleta wukoma wa msawuleki wakwe.

Eksodha 30:23

“Teka mafura a maphya amanene ngutu; u na teka mtxhanu wa makilu ni dimwedo ya mira ya yiphya; ni makilu mararu a mafura a kinamomo; ni makilu mararu a kanela;

1 Samuwele 9:27

Se va txi relela mhinganoni ka didhoropa, Samuwele a to khene ka Sawule: Gela dijaha dako di thangela masoni kwathu (se di to thangela); aniko awe ema konkuwa, ni na kugela dipswi da Txizimu.

1 Samuwele 12:3

Ngani wuwa hawa, ni fakazeleni masoni ka Mkoma ni masoni ka wule a nga totwa wa Mkoma: I mani ni nga mtekela homu kani? I mani ni nga mtekela mbongola kani? I mani ni nga mdyelela kani? I mani ni nga mxanisa mwendo kuamukela siningo ngu kwakwe so ni vhala maso angu kani? Se ni na mtshumetela.

1 Samuwele 15:1

Sekoko Samuwele a to khene ka Sawule: Mkoma a ni rumile ku ta kutota kuva mfumeli txitimwi ka vathu vakwe, i ku va ka Israyeli; Konkuwa koko, engisa dipswi da mahungu a Mkoma.

1 Samuwele 16:1

Sekoko Mkoma a to khene ka Samuwele: U na dilela Sawule kala yihi mbimo, akule ani ni nga mlamba, kasi ku asi fumi txitimwi ka Israyeli kani? Tata litxheho lako ngu mafura se wuta; ni ta kuruma ka Jese, wa Bhetlehema; nguko ni ti sawulete mfumeli hagari ka vanana vakwe.

1 Samuwele 26:9

Se Dhavhidha a to khene ka Abhixayi: U nga mmahe txilo; nguko i mani a nga guletako diwoko dakwe ka msawuleki wa Mkoma asi mani mnandu kani?

2 Samuwele 1:14

Se Dhavhidha a to khene kwakwe: Ngu kutxani awe u nga mbi thava kunawuluta diwoko dako u daya wo totwa wa Mkoma kani?

1 Vafumeli 1:34

Se Zadhoki, mphaxeli, ni Nathani, mprofeti, va to mtota kuva mfumeli wa Israyeli; mi na veta mpundu mi nje khanu: “Hanya mfumeli Solomoni!”

Ezekhiyele 16:13

Se ngu kumaha keto, u to tshuriselwa ngu nzalama ni silivhela, ni syambalo sako nza disilika do hehuka, ni disedha, ni so lukelwa; u ndyisilwe ngu mpupu, ni wulombe, ni mafura; kambe u tshurile ko pindeletisa, u manile kuhumelela, uza u hoka kuva mfumeli wa txisikati.

1 Samuwele 15:17

Se Samuwele a to khene: Hambi ku awe u ku m'dotho kuwonani kwako, khwa vekwa kuva mthangeli ka tihunzu ta ka Israyeli kani? Kambe Mkoma a ku totile kuva mfumeli txitimwi ka Israyeli.

2 Samuwele 20:19

Ani ni mmweyo wa vale vo thutha ni kuthembeka ka va ka Israyeli; se awe u lava kulovisa didhoropa di i ku mame ka Israyeli; nguku txani koko, u lava kulovisa thomba ya Mkoma kani?

2 Vafumeli 9:12

Aniko vona va to kha vona: Makuhu, hi gele konkuwa. A txi khene: A ni gete ti, ni ti, taku khene: Mkoma a khene: Ni ku totile kuva mfumeli txitimwi ka Israyeli.