1 Samuwele 1:4 - Bhiblia Yo Sawuleka

⁴ Se ku to maheka tito, ditshiku di Elikana a nga ti ti maha mhamba, a ti ti ninga didhawa da mhamba ka Penina msikati wakwe, ni ka votshe vanana vakwe va majaha, ni votshe vanana vakwe vamahorana.

1 Samuwele 1:4 Referans Kwoze

Dhewuteronome 16:11

Se u na tsaka masoni ka Mkoma, Txizimu txako, awe ni mwanana wako wa mfana ni wa dihorana, ni khumbi yako ya wamwamna ni ya wamsikati, ni Mulevhi wule a hanyako didhoropani kwako, ni mluveli, ni wo felwa ngu vaveleki, ni noni, avale va hanyako kumweko ni nawe, mi na ya tsakela ka wukhalo wu wu nga sawulwa ngu Mkoma, Txizimu txako, kasi ku ditina dakwe di txi zumba kona.

Levhi 7:15

Nyama ya txihari txi txi nga mahwa mningelo wa mhamba ya mpatano, yi fanete kudyiwa yotshe ka dona ditshikudo da mhamba, ku si sali ni txa txidotho txo ta dyiwa mangwanani ka kona.

Levhi 3:4

Sekoko totshe titsho tatimbidi, ni mafu ale ma nga namarela ka titsho ni ka masembe, ni sile si nga pambiyeta txivindi, u na ma thavisa kumweko ni titsho.