1 Samuwele 1:3 - Bhiblia Yo Sawuleka

³ Wamwamna wuwa koko, a ti ti tolovela kukhukha didhoropani kwakwe, dilembe ni dilembe eya khozela ni kumaha mhamba ka Mkoma wa Mabutho a Tiyimbi, kona Silo; se ku ti ni vaphaxeli koneyo Silo; kambe koneyo ku ti ti ni vaphaxeli va Mkoma, Hofini ni Finiyasi, i ku vanana vambidi va Eli.

1 Samuwele 1:3 Referans Kwoze

Luka 2:41

Vaveleki va Jesu va ti ti ya otshe malembe Jerusalema, ngu mbimo ya M'buso wa Pasika.

Joxuwa 18:1

Se wotshe msengeletano wa vanana va ka Israyeli wu to tshangana kona Silo, aha va nga ya gwimba ditenda da msengeletano; nguko ditiko se va ti di khozisile masoni kwawe.

Eksodha 34:23

Vathu votshe vavamna va ku hagari kwako va na ti wonekisa ka Mkoma Txizimu, Txizimu txa ka Israyeli;

Eksodha 23:14

U na ni mahela m'buso kuraru ngu dilembe.

1 Samuwele 1:21

Se wamwamna wule Elikana a to kwelela ni yotshe gamu yakwe, kuya maha mhamba ya dilembe ni dilembe ka Mkoma, ni kuya tatisa txixambanyo txakwe.

1 Samuwele 1:9

Sekoko Ana a to khukha, msana kova va di dyite ni kusela, kona Silo; se Eli, mphaxeli, a ti khalahatshile ha txituluni, hafuhi ni phande ya dithepele da Mkoma.

Dhewuteronome 16:16

Sikhati siraru ngu dilembe votshe vavamna va fanete kuya ti kombekisa masoni ka Mkoma, Txizimu txako, ka wukhalo wule ene a nga wu sawula: Ka M'buso wa Mapawu o mbi Tshumbelwa, ni ka M'buso wa Mavhiki ni ka M'buso wa Matenda; kambe a nga ti kombekise masoni ka Mkoma a sa ñola txilo;

Valamuli 18:31

Ngu kumaha keto, txithombe txile txo vatwa txile txo mahwa ngu Mika, va to ti emisela, ka otshe masiku ale Nyumba ya Txizimu yi nga txi maneka kona Silo.

Masalmo 78:60

Txi lekile nyumba ya txona yo khozela ya Silo, i nga ti ditenda da txona do zumba ka dona hagari ka vathu.

1 Samuwele 4:11

Se dibhokiso da Txizimu di to tekwa; kudawa vanana vambidi va Eli, i ku Hofini ni Fineyasi.

1 Samuwele 4:4

Sekoko ku to rumelwa vathu vo ya Silo, veya teka dibhokiso da txitumelelano txa Mkoma wa Mabutho a Tiyimbi, di di zumbako hagari ka makerubhima; aniko vanana vambidi va Eli, i ku Hofini ni Finiyasi, va ti koneho ni dibhokiso da txitumelelano txa Txizimu.

1 Samuwele 3:13

Nguko ani se ni m'zivisile taku, ni na lamula nyumba yakwe kala kupinduka, ngu mhaka ya sionho si ene asi zivako. Nguko mbimo yi vanana vakwe va nga maha mhaka yo nyenyeza, kha va kawuka.

1 Samuwele 2:34

Se txikombiso txi txi nota txitimwi ka vanana vako va vambidi, Hofini ni Fineyasi; ngu ti to ngu wumbidi wawe va nafa ditshiku dimwedo.

Eksodha 23:17

Sikhati siraru ngu dilembe, votshe vavamna va na woneka masoni ka Mkoma.

Valamuli 21:19

Sekoko va to kha vona: “Wona taku dilembe ni dilembe ku ni m'buso wa Mkoma, kona Silo, wu mahwako Wuphemba ka Bheteli, ngu didhawa da wutxani, ka nzila ya mmangoni, yi kwelelako ngu Bheteli kala Sikemi, kala Wulambwe ka Lebhona.”

1 Samuwele 2:19

Se dilembe ni dilembe, mwamwakwe a ti ti mrungela syambalo sa sidotho, e ta mninga mbimo yi a tako ni mwamna wakwe ku ta maha mphaxo wa dilembe.

1 Samuwele 14:3

Kambe Ayiyasi, mwana Ayitubhe, mwanawe wa Ikabho, mwana Finiyasi, mwana Eli, mphaxeli wa Mkoma kona Silo, a ti ti ambate efodhe; kambe vathu va si tiziva taku Jonatani a ti ti tsute.