1 Samuwele 1:2 - Bhiblia Yo Sawuleka

² Se Elikana a ti ni vasikati vambidi: Ditina da mmweyo i ti ti Ana, ditina da mmwani i ti ti Penina; Penina a ti ni vanana, aniko Ana asi ngani vanana.

1 Samuwele 1:2 Referans Kwoze

Luka 1:7

Va ti si nga ni vanana, nguko Izabheli i ti txifule, kambe ngu wumbidi wawe va ti kumbile.

Matewu 19:8

Ene a xamute a txi khene: “Mosi, ngu mhaka ya kubanga ka timbilu tanu, a mi tumelete kutovela vasikati vanu, aniko kukhatani i ti si nga toneto.

Valamuli 13:2

Se Kambe ku ti ti ni wamwamna wokari ditikoni ka Zora, wa nyumba ya ka Dhani, ditina dakwe i ti ti Manowa; se msikati wakwe i ti ti txifule.

Valamuli 8:30

Gidhiyoni a ti ni mtxhanu wa magumi ni mambidi a vanana va vafana, nguko a ti ti tekile vasikati votala.

Genesisi 29:31

Txizimu ngako txi di woni ti to Leya kha randwi, txi to mninga kuveleka, kasi Rakeli a zumbile i di txifule.

Genesisi 25:21

Isaake a to khongela ka Mkoma, a txi kombelela mkatakwe Rebheka, nguko i ti txifule. Mkoma a engisile mkombelo wa Isaake, se Rebheka a to mana txirumbu.

Genesisi 4:23

Se Lameki a to khene ka vasikati vakwe: “Adha ni Zila, engisani dipswi dangu; vasikati va Lameki, engisani kuwomba kwangu: Ni date wamwamna, nguko a ni balisile, ni dijaha nguko di ni ganyatile.

Luka 2:36

A ti ti ho kambe mprofeti wa wamsikati, a nga ti dhanwa ku i Ana, mwanana wa Fanueli, wa lihunzu la ka Aseri. A ti ti kumbile ngutu.

Genesisi 4:19

Se Lameki a tekile vasikati vambidi: Mmweyo a ti dhanwa ku i Adha, ni mmwani ditina dakwe i ti ti Zila.

Genesisi 11:30

Kambe Sarayi i ti ti txifule, ati si nga ni vanana.