1 Samuwele 1:18 - Bhiblia Yo Sawuleka

¹⁸ Se Ana a to khene: Txi na mane mathomo txithumi txako txa txisikati masoni kwako. Ngu kumaha keto, wamsikati a to teka nzila yakwe e tsula, eya dya, aniko khohe yakwe hi si ngadi kambe yi xukuvala.

1 Samuwele 1:18 Referans Kwoze

Rute 2:13

Se Rute a to khene ka Bhowazi: “Ni na mane kukateka masoni kwako, awe nyamne wangu, nguko u ni thavelete ni womba-womba mbiluni ka txithumi txako, hambiko ani ni singako mmweyo wa sithumi sako sa txisikati.”

Varoma 15:13

Txizimu txa txithembo txi na mi tate ngu litsako lotshe ni kudikha amu ka likholo lanu, kasiku ngu mtamo wa Moya wo Sawuleka txithembo txanu txi tala txi thekelela.

Ekleziyaste 9:7

Tsula koko, u yadya sakudya sako ngu kutsaka, u sela vhinya yako ngu mbilu ya yinene, nguko Txizimu se txa tsaka ngu mithumo yako.

Johani 16:24

Kala konkuwa, kha mi nzi kukombela txilo ngu ditina dangu. Kombelani, mi na hiwa, kasiku litsako lanu li tatiseka.

Genesisi 33:15

Se Esawu a ti khene: “Kona kuwa, ni na kusiyela majaha okari ka awa ni ku nawo!” Aniko Jakobe a xamute, a txi khene: “Kasi kutxani toneto, kani? Ani ni bonga kumana dithomo do amukelwa masoni ka nyamne wangu!”

Genesisi 33:8

Esawu a to wotisa ka Jakobe, a txi khene: “U lava kumaha txani ngu yotshe mitxhambi yi ni nga yi mana hanzila kani?” Jakobe a xamute, a txi khene: “Ani ni lava ku ni txi mana wuxinji kwako awe mkomwangu.”

Genesisi 32:5

Ni ti ya mana tihomu ni timbongola, tinvuta ni sithumi sa vavamna ni sa vavasikati. Ni rumela mhaka yiya ku ta bika kwako mkomwangu Esawu, kasiku ni txi mana wumbilu masoni kwako.”

Genesisi 32:6

Mitumi yi to wuya ka Jakobe yi ta womba tiya: “Hi hokile ka mkomwako Esawu. Se nene wata, wa kuhingeta, ana ni 400 wa vavamna.”

Rute 2:2

Se Rute wa Mowabhi, a to womba ka Nowemi a txi khene: Ni tumelele ku ni txi ya thembweni kuya lavetela sitxatxa, msana ka wule a no ya ni siza a txi ni amukela. Se masale wakwe a to mxamula a txi khene: “Tsula mwanangu.”

Masalmo 34:6

Ngako txisiwana txi txi dhana Mkoma, ene wa txi xamula, kambe wa txi hulukisa ka sotshe sixaniso.