1 Samuwele 1:10 - Bhiblia Yo Sawuleka

¹⁰ Ana koko, ngu kupandiseka moyani kwakwe, a to maha mkombelo ka Mkoma, na a txi dila ngutu.

1 Samuwele 1:10 Referans Kwoze

Jobe 7:11

Ngu maha ya eto, kha ni na mbi bundamisa txisofu txangu; ni na womba-womba kuxanisekani ka moya wangu; ni na ti bika kuxanisekani ka dihika dangu.

Luka 22:44

Ene, a di tate ngu kupandiseka, a to simama kukhongela ngutu, mnyuko wu a nga txi dhunuka, wu txi nga mathotho a mnoha, ma nga txi thothoketela ha mafuni.

Jobe 10:1

Dihika dangu da swihala ngu wutomi wangu; ni na laphisa mbimo ni txi ti tsetsa, ni na womba-womba kupandisekani ka muhefemulo wangu.

Masalmo 91:15

Ene a na ni dhana, se ani ni na mxamula; ngako a di kuxanisekani, ni na va kumweko nayo; ni na m'hulukisa, ni mpfalisa.

Vahebheru 5:7

Kristu ka masiku awa a nga ti hanya wutomi wa mmidi, a mahile mikombelo, ngu kupeka tihuwa ni kudila mirongo, a txi khozela ka wule a nga ti sikota ku m'hulukisa ka lifo, se a txi tumelelwa ngu mhaka ya kuengisa kwakwe.

Isaya 54:6

Nguko Mkoma a kudhani kufana ni wamsikati wo lekwa, wo xaniseka moyani; kufana ni kulekwa ka wamsikati wa dihorana, kuwomba Txizimu txako.

Valamuli 21:2

Va to ta koko vathu kona Bheteli, va ti ta zumba masoni ka Txizimu, kala ni minova; se va to pekeletela tihuwa, va txi dila ngu txiviti txa hombe.

Sidilo 3:15

Txizimu txi ni khurisile ngu so bava, txi ni setile nyongwa ni za ni kosa.

Jeremiya 22:10

Mi nga dileleni wu a nga fa, mi nga pekeni huwa ngu mhaka yakwe. Aniko dilelani ngutu wu a khukhako, nguko kha na mbi ngadi e wuya, a txi ta wona ditiko di a nga velekwa ka dona.

Isaya 38:15

Ni na khani txani kani? Ati Txizimu txi nga ni thembisa tona, txi mahile; ni na mahisa toneto ngu kuthutha, ka otshe malembe angu, ngu mhaka ya kupandiseka ka muhefemulo wangu.

Masalmo 50:15

Ni dhane, mbimo yi u ku ha kuxuphekani; ani ni na kuhulukisa, se awe u na ni dhumisa.”

Jobe 9:18

Txizimu kha txi ni tumeli ni kuhefemula; aniko txa ni tata ngu kubava.

2 Vafumeli 20:3

Awe Mkoma! Alakanya taku ni tsimbite ditshurini, ngu mbilu yo thembeka, ni mahile to lulama masoni kwako, se a to dila ngutu Ezekhiya.

Rute 1:20

Aniko ene a ti ti va gela ku khene: “Mi nga ni dhaneni ku ni Nowemi; ni dhaneni ku ni Mara, nguko awu wa Mtamo-wotshe a ni ningile sixaniso sa hombe.

Jeremiya 13:17

Aniko mi si engisi, ni na dila txihunjani ngu mhaka ya wugwili wanu, maso angu ma na dila ngutu, me humisa mirongo, nguko vathu va Mkoma va yiswa wukarawani.

2 Samuwele 13:36

Se ku to maheka taku, mbimo yile a nga heta kuwombawomba, vanana va mfumeli va to hoka, ve guleta mapswi awe, ve dila; se nene mfumeli ni sotshe sithumi sakwe va to pekeletela tihuwa ta hombe ngutu.

Genesisi 50:10

Ngako va di hokile koko wuhuleloni ka Goreni-Atadhe, ngu didhawa da wutxani ka mnambo wa Jordhani, koneyo va to maha tifanelo ta madila a hombe, Josefa a salukile tate wakwe, a txi heta mtxhanu wa masiku ni mambidi.

2 Samuwele 17:8

Husayi a to engeta a txi khene: Awe wa m'ziva kha kwati tate wako ni vathu vakwe, taku mbathu va mtamo, va mahenyelo o fana ni a txingwingwi txo mwalalewa ngu vanana txitingani; nene tate wako, m'thu wa tiyimbi, kha na mbi otela wukhalo wumwewo ni vathu.

1 Samuwele 1:9

Sekoko Ana a to khukha, msana kova va di dyite ni kusela, kona Silo; se Eli, mphaxeli, a ti khalahatshile ha txituluni, hafuhi ni phande ya dithepele da Mkoma.

1 Samuwele 1:11

Se a to maha txixambanyo, a txi khene: Awe Mkoma wa Mabutho a Tiyimbi! Ngako ngu ditshuri u txi wona kuxaniseka ka txithumi txako, se u ni alakanya, kambe u si divali txithumi txako, aniko u ninga txithumi txako mwanana wa mfana, ni na mningela ka Mkoma masiku otshe a kuhanya kwakwe, ha msungo kwakwe kha ku na mbi pinda limo.

Mavingu 14:10

Mbilu ngu yona yi zivako kupandiseka ka yona, kambe mmwani kha na kupfa litsako la yona.

Genesisi 30:1

Ngako Rakeli a di woni ti to kha velekela vanana Jakobe, a to khata kulusa ka Leya, se e womba ka Jakobe, a txi khene: “Nihe vanana, hahanze keto, ndinene ku ni txi fa.”