Va ti tsimbila va txi tsanisa timbilu ta vagondiswa ni ku va laya ti to ve timisela amu ka likholo, nguko, kha vona, hi fanete kuamukela sixaniso sasingi, kasiku hi sikota kuwulela Mfumoni ka Txizimu.
Ngu toneto, mi nga dhanelwa tona, nguko hambi Kristu nene, a tumete kuxaniswa ngu mhaka yanu, kasi ku mi siyela txikombiso, ti to mi na sikota kulondetela mkondo wakwe.
Kha mi nzi kuhumelelwa ngu txiduko txa kuhambana ni siduko sa vamwani vathu. Txizimu txi thembekile, kha txi na kutumela ti to mi txi dukwa ngu si si ku txitimwi ka mtamo wanu. Aniko, ngako txiduko txi txi mi tela, a na mi ninga nzila ya kupona ka txona, ni mtamo wa ku txi rwala.
Lwana yimbi ya yinene ya likholo ñolisisa wutomi wo mbi guma, awu u nga dhanelwa wona, awu u nga wu fakazela ngu nzila yo tshura masoni ka timwani tifakazi ta tingi.
Konaho, mmweyo ni mmweyo wawe a to ningwa syambalo so basa, se ve gelwa kambe ti to veya masoni ngu kuhumulanyana, kala kuza kutatiseka mtengo wa vakwawe ni vanawe, ava va no dawa nga vona.
Aniko, tsakani ngu kumana txyavelo txa sixaniso sa Kristu, kasi ku na nanu, mi txi ta sikota kutsaka ni kugiya, ka ditshiku di ku nota kombiswa kupfaliswa ka Kristu.
Kha ditshuri, hambiko ni ku kule ni nanu ngu ka nyama, kambe ni hafuhi ni nanu ngu ka moya, ni tsaka ngu kuwona mahanyelo anu amanene, ni kutsana ka likholo lanu ka Kristu.
Ani ni to angula ni txi khani: “Mkoma wangu, awe ngawe u ti zivako.” Se ene a ti khene: “Avava, ngu va va tako ngu kuxanisekani ka hombe; va nga kuwula syambalo sawe, ve si basisa ngu mnoha wa Txinvutana.
Ani, Johani, ani ni ku mwananu, na kambe ni ku mmweyo wanu, amu ka sixaniso, ni mu ka mfumo, ni mu ka kutimisela ditinani ka Jesu Kristu, ani ni ti Txitondoloni ka Patmosi ngu mhaka ya dipswi da Txizimu ni kufakazela Jesu.