1 Pedro 5:5 - Bhiblia Yo Sawuleka

⁵ Nananu, vavaphya, ti vekeni hahatshi ka madhota. Ambalani moya wa kutiveka hahatshi, mmwani masoni ka mmwani; nguko, Txizimu txi nyenyana ni va va kutikulisa, kambe txi ninga makatekwa a txona ka vale va kutiveka hahatshi.

1 Pedro 5:5 Referans Kwoze

Jakobe 4:6

Txona Txizimu txa hi ninga tikateko ta tingi ngutu, madingano ni dipswi da mibhalo, adi di wombako tito: “Txizimu txi lambela ava va ti kulisako, aniko txi ninga tikateko ta txona ava va kutiveka hahatshi.”

Mavingu 3:34

Kha ditshuri ene a na xanisa vatseketseli, aniko a na ninga kukateka ka vale vo thutha.

Vaefesu 5:21

Xoniphanani ngu txithavo ka Kristu.

Varoma 12:10

Zumbani ngu kurandana nga vanana va m'thu mmweyo, mi txi palisana ngu kukombisa txithavo ka mmwani ni mmwani.

Vafilipiya 2:3

Mi nga maheni to maha ngu kukanetana hambi kutikulisa, aniko thumani ngu kutiveka hahatshi, mi si alakanyi ti to ma pinda vamwani ngu wunene.

Vakolosa 3:12

Nga ti mi nga sawulwa ngu Txizimu, mi manekako mi di basile ni kurandeka, ambalani moya wa wumbilu, wa wunene, wa kutiveka hahatshi, wa kuthutha ni wa kutimisela;

Isaya 66:2

Nguko dianza dangu di mahile sotshe simaho siya, se sotshe simaha siya si to mahwa, kuwomba Mkoma; aniko wonani awu ni no muwona: Ka txisiwana, ni wule wo xaniseka moyani, kambe a dhudhumelako masoni ka dipswi dangu.

Varoma 13:14

Aniko ambalani Mkoma Jesu Kristu, mi nga khataleleni mmidi, kasiku mi si londisi kunavela ka wona.

1 Pedro 4:5

Kambe vona va na ya xamula ka wule a nga ti emisela kuya lamula vo hanya ni vo fa.

Isaya 57:15

Nguko a womba tona eto Nyatxitimwi, wa Kuthaviseka, a zumbako kupindukani, eyo ditina dakwe i ku Kusawuleka: Ni zumba ka wukhalo wo guleka ni kusawuleka, kumweko ni kuxaniseka, ni kukarateka moyani, kasi kuwusa moya wa vale vo karateka, ni kuwusa timbilu ta vaxaniseki.

Vahebheru 13:17

Engisani vathangeli vanu, mi txi ti veka hahatshi masoni kwawe; nguko ngu vona va karatekelako mimoya yanu. Ngu vona va no ya angula ati ti dinganako vona. Ngu toneto, va na sikota kuthuma mthumo wawe ngu kutsaka, va si wu thumi ngu kudila. Nguko eto, nga ti si mi vhuni txilo.

Levhi 19:32

Khukha u txi ema, u komba txithawo ka wule a ku ni msungo wa wunvi, u txi xonipa m'thu wule i ku wa hombe. Thava Txizimu txako: Ani ngani Mkoma.

1 Pedro 4:1

Ngu toneto, ngako Kristu a nga pfa kupanda nyamani kwakwe, na nanu xomani matxhari a kuzumba mi di ni mialakanyo yo nga toneto. Awule a nga xaniseka nyamani, a hambani ni txionho;

Masalmo 132:9

Vaphaxeli vako va na ambale wululamo, kambe vasawuleki vako va na tsake!

Jobe 29:14

Ni ti ti fenengela ni kuambala wululamo, wululamo wangu wu ti ti fana ni didhamba ni m'bhoti.

Jobe 22:29

Va txi kupeka, u na khawe: Ku nave ho kuwuswa! Se Txizimu txi na hulukisa wule wo ti veka hahatshi.

Isaya 61:10

Ni na tsaka ngutu ka Mkoma, muhefemulo wangu wa tsakela Txizimu txangu, nguko txi ni ambekile syambalo sa kuhanyiswa, txi ni fenengeta didhamba da kululama, nga muwuti a ti mbombisako ngu so tshura, ni ku nga txiwutwa txi ti bombisako ngu siketiketi sa txona.

2 Makronika 6:41

Mkoma Txizimu khukha konkuwa u wulela u humula ka wukhalo wako, awe ni dibhokiso da mtamo; Mkoma Txizimu, vaphaxeli vako va na ambale kuhanyiswa, se ni vasawuleki va na tsakele wunene wako.

Masalmo 132:16

Ni na ninga vaphaxeli va wona mtamo wa kulamulela vamwani se vasawuleki va kona va na tsaka ngutu.

Masalmo 138:6

Hambiko Mkoma a ku txitimwi ngutu, wa pfisisa awu i ku txisiwana; aniko ka m'thu wo ti guleta a m'ziva a di kule.

Ezekhiyele 26:16

Se vathangeli va lineneni va na txhika ngu situluni kwawe ka wukoma, kambe va na thavisa sifenengelo sawe, ve ambula simaha sawe so lukelwa; va na ambekwa kudhudhumela, va khalahatsha ha mafuni, va txi dhudhumela yotshe mbimo; kambe ngu mhaka yako, va na xamala.

Luka 22:26

Kasi hagari kwanu, ti nga mahise eto: Awu i ku wa hombe, hagari kwanu, a na ti mahe wam'dotho; awu i ku mthangeli, a na ti fananise ni wule i ku txithumi.

1 Timoti 5:1

U nga kawuke ngu mtamo awu i ku wa hombe kwako; aniko mkhongotele nga tate wako; vafana va kawuke nga vananda vako;

1 Pedro 3:8

Ngu kugwitisa, engisanani motshenu; mi randa vananu ngu moya wa wumbilu, ni kutiveka hahatshi.

Mavingu 25:7

nguko i txhuko va txi kugela ku kha vona: Kwela u txi ta hawa, kupinda kuwiswa tingana masoni ka mfumeli, a txi kuwona.

Dhaniyeli 11:12

Se di txi kula dibutho, mbilu yakwe yi na ti kukumukisa; aniko, hambi ku ku no dawelwa mazana-zana a vathu, kha na mbi xula.