1 Pedro 5:4 - Bhiblia Yo Sawuleka

⁴ Se mbimo yi a nota humelela M'dyisi wa Hombe, mi nata amukela m'bhoti wo phatima wa kupfaliswa, awu wu si onhekiko.

1 Pedro 5:4 Referans Kwoze

Jakobe 1:12

A katekile m'thu wu a amukelako txiduko ngu kutimisela; nguko, a di gwitile kudukwa, a na amukela m'bhoti wa wutomi, awu Mkoma a nga wu thembisa ka vale va mrandako.

1 Vakorinto 9:25

Awule a ti longiselako ku yalwa, wa ti tona so tala, kufela ku e wuyelwa ngu m'bhoti wu wu sinako, aniko athu hi lwela m'bhoti wu wu si siniko.

1 Johani 3:2

Vorandeka, konkuwa hi vanana va Txizimu, kambe kha zivaneki ati hi no va hi di txona. Ha tiziva ti to mbimo yi a nota Kristu, hi nata fana nayo, nguko hi nata muwona ngu wutumbu wakwe.

2 Timoti 4:8

Konkuwa ni lulamisetwe m'bhoti wo lulama, awu ni nota ningwa ngu Mkoma, mlamuli wo lulama, ka ditshiku da hombe, i si nga ani nokha, aniko ni ka votshe vale va no va va di rinzete ngu lirando kuhumelela kwakwe.

1 Pedro 1:4

Kasi hi va ni thomba yo mbi sina, ayi yi si sikotiko kunyetwa ngu txilo, mwendo kuwuna, ayi yi nga vekelwa anu nzumani;

Mtuletelo 3:11

Na ta kunukunuku, ñolisisa ngu kutsana asi u ku naso, kasiku ni mmweyo asi thuki e kuhonyola m'bhoti wako.

Mtuletelo 2:10

U nga telwe ngu dizowa ka tile ti no kuninga kupandiseka. Sathani a na beta mkorani vamwani kwanu, kasi ku mi duka. Mi na heta digumi da masiku na mi txi xaniseka. Zumba u di thembekile kala kufani, se ani ni na kuninga m'bhoti wa wutomi.

1 Pedro 2:25

Nguko, mi ti ti fana ni tinvuta ta kuhangalaka, aniko akuwa mi tshumete mi wuya ka M'dyisi ni Muwoneleti wa mimoya yanu.

Dhaniyeli 12:3

Titxhari koko ti na phatima kufana ni kuphatima ka mzuma; ni vale va kombako vathu nzila ya kululama va na woninga ku nga tinyeleti, mbimo yotshe ni ha ku si gwitiko.

Isaya 40:11

A na dyisa mtxhambi wakwe kufana ni m'dyisi; a na sengeleta sinvutana mawokoni kwakwe, e si khutarela hakhana kwakwe; a na gola kha kwati ati ti mamisako.

1 Pedro 5:2

Dyisani mtxhambi wa Txizimu, awu mi nga vekelwa, mi txi wu xayisa, i si nga ngu kukurumetwa, aniko, ti maheni ngu kuranda ka mbilu, i si nga ngu moya wa nzambwa ya kulava dibhindu; ti maheni ngu kutiningetetela ka mbilu;

Vahebheru 13:20

Txizimu txa kudikha txi nga kwelisa txitimwi awule txi nga mu wusa ngu ka vafi, ngu mnoha wa txitumelelano txo mbi na magwito, M'dyisi wa hombe wa tinvuta,

Ezekhiyele 37:24

Se txithumi txangu Dhavhidha a na fuma txitimwi kwawe, votshe va na va ni m'dyisi mmweyo; kambe va na tsimbila ngu wululamo wangu, ni kuvekisa sileleto sangu, va na si maha.

Masalmo 23:1

Mkoma i m'dyisi wangu; kha ni na mbi pwata txilo.

Zakariya 13:7

Awe ditxhari khukha u lwa ni m'dyisi, lwana ni wamwamna wule i ku mngana wangu, kuwomba Mkoma wa Mabutho a Tiyimbi; peka m'dyisi, se ti na hangalaka tinvuta; aniko ni na nawuluta dianza dangu, ni peka vale vavadotho.

Mtuletelo 1:7

Ndiyo wata a di txitimwi ka marefu. Maso a votshe vathu ma na mu wona, hambi vona va va nga m'daya ngu ditxhari: Totshe tihunzu ta ha mafuni ti na dila ngu ku mu wona. Ina! Amen!

Johani 10:11

“Ani ngani mudyisi wamnene. M'dyisi wamnene ngu wu a ningelako wutomi wakwe ngu mhaka ya tinvuta takwe.

Ezekhiyele 34:23

Kambe ni na ti wusela m'dyisi mmweyo dwe, se ene a na ti dyisa; txithumi txangu Dhavhidha a no ti dyisa; ene a na va m'dyisi wa tona.